Mohanlal's Barroz: A Film for the Child in Everyone

മോഹൻലാൽ സംവിധാനം ചെയ്ത ‘ബറോസ്’ എന്ന ചിത്രത്തിന് ലഭിച്ച പ്രശംസകളിൽ സന്തോഷം പ്രകടിപ്പിച്ച് താരം രംഗത്തെത്തി. മാധ്യമങ്ങളോട് സംസാരിക്കവേ, ഉള്ളിൽ ഒരു കുട്ടിയുടെ മനസ് സൂക്ഷിക്കുന്ന എല്ലാവർക്കും ബറോസ് ഇഷ്ടമാകുമെന്ന് മോഹൻലാൽ പറഞ്ഞു. കുട്ടികൾക്ക് മാത്രമല്ല, എല്ലാ പ്രായക്കാർക്കും ആസ്വദിക്കാവുന്ന ചിത്രമാണിതെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1650 ദിവസങ്ങൾ നീണ്ട ഷൂട്ടിംഗ് കാലയളവിനെക്കുറിച്ച് പരാമർശിച്ച മോഹൻലാൽ, ഈ ചിത്രം തന്നെ സംബന്ധിച്ച് ഒരു നിയോഗവും ഭാഗ്യവുമാണെന്ന് വ്യക്തമാക്കി. “ബറോസിലൂടെ എനിക്കാണ് മോക്ഷം കിട്ടിയത്,” എന്ന് താരം തുറന്നുപറഞ്ഞു. നൂതന സാങ്കേതിക വിദ്യകളോടെയാണ് ചിത്രം പുറത്തിറക്കിയതെന്നും, എല്ലാവരും ഈ മനോഭാവത്തോടെ ചിത്രം ആസ്വദിക്കണമെന്നും അദ്ദേഹം അഭ്യർത്ഥിച്ചു.

മോഹൻലാലിന്റെ സംവിധാന അരങ്ങേറ്റം കൂടിയാണ് ‘ബറോസ്’. ക്രിസ്മസ് ദിനത്തിൽ റിലീസ് ചെയ്ത ഈ ചിത്രം, ഇന്ത്യയിലെ ആദ്യ ത്രീഡി ചിത്രമായ ‘മൈ ഡിയർ കുട്ടിച്ചാത്തൻ’ സംവിധാനം ചെയ്ത ജിജോയുടെ കഥയെ അടിസ്ഥാനമാക്കിയുള്ളതാണ്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ‘ബറോസ്’, പൂർണമായും ത്രീഡിയിൽ ചിത്രീകരിച്ച സിനിമ എന്ന പ്രത്യേകത കൂടി സ്വന്തമാക്കി. ഹോളിവുഡ് ശൈലിയിലുള്ള വിഷ്വൽ എഫക്ടുകൾ പ്രേക്ഷകരെ ആകർഷിച്ചതോടെ, ആദ്യ ദിനം തന്നെ ചിത്രത്തിന് നല്ല പ്രതികരണം ലഭിച്ചു.

കേരള ഫിലിം ചേംബർ തിരഞ്ഞെടുപ്പ്; പ്രസിഡന്റ് സ്ഥാനത്തേക്ക് സജി നന്ത്യാട്ട്, ശശി അയ്യഞ്ചിറ, അനിൽ തോമസ് എന്നിവർ മത്സരരംഗത്ത്

Story Highlights: Mohanlal’s directorial debut ‘Barroz’ receives praise, actor expresses joy over positive response

മമ്മൂട്ടി പൂർണ്ണ ആരോഗ്യവാനാണെന്നും ഉടൻ തിരിച്ചെത്തുമെന്നും അഷ്കർ സൗദാൻ