Munambam Land Tax Controversy: Residents Protest Government Stance

മുനമ്പത്തെ താമസക്കാരില് നിന്നും ഭൂനികുതി ഈടാക്കണമെന്ന സര്ക്കാര് നിലപാടിനെതിരെ പ്രതിഷേധം ശക്തമാകുന്നു. റവന്യൂ അവകാശങ്ങള് പൂര്ണമായും പുനഃസ്ഥാപിക്കാതെ പ്രശ്നപരിഹാരം സാധ്യമല്ലെന്ന് സമരസമിതി വ്യക്തമാക്കി. സര്ക്കാര് മുനമ്പം വിഷയം മനഃപൂര്വ്വം നീട്ടിക്കൊണ്ടുപോകുന്നുവെന്ന് പ്രതിപക്ഷ നേതാവ് ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുനമ്പം നിവാസികള്ക്ക് കരമടയ്ക്കാനുള്ള അവകാശം പുനഃസ്ഥാപിക്കണമെന്നാവശ്യപ്പെട്ട് ഹൈക്കോടതിയില് സത്യവാങ്മൂലം നല്കുമെന്നാണ് സര്ക്കാര് നിലപാട്. എന്നാല് ഈ തീരുമാനത്തില് സമരസമിതി നേതാക്കള് അതൃപ്തരാണ്. രജിസ്റ്ററില് നിന്ന് വഖഫ് ഭൂമി എന്ന പദം ഒഴിവാക്കണമെന്നും, അത് മാറ്റാതെ കരം അടയ്ക്കാനുള്ള അനുമതി നല്കുന്നതില് അര്ത്ഥമില്ലെന്നും സമരസമിതി അഭിപ്രായപ്പെട്ടു.

സര്ക്കാര് നല്കാന് ഉദ്ദേശിക്കുന്ന സത്യവാങ്മൂലത്തിനെതിരെ പ്രതിപക്ഷ നേതാവും രംഗത്തെത്തി. സര്ക്കാര് നിലപാട് കാപട്യമാണെന്ന് അദ്ദേഹം ആരോപിച്ചു. മുനമ്പം ജുഡീഷ്യല് കമ്മീഷന് ജനുവരി നാലിന് ഹിയറിങ് ആരംഭിക്കുമെന്നും, റിപ്പോര്ട്ട് അനുകൂലമാകുമെന്ന പ്രതീക്ഷയിലാണ് സമരസമിതിയെന്നും അറിയിച്ചു. ക്രിസ്മസ് ദിനത്തില് 200-ലധികം ആളുകള് സമരപന്തലില് നിരാഹാരം അനുഷ്ഠിച്ചു. തുടര്ന്നുള്ള ദിവസങ്ങളില് കുടിയിറക്കല് ഭീഷണി നേരിടുന്ന കുടുംബങ്ങളിലെ ഓരോ അംഗം വീതം നിരാഹാരം തുടരുമെന്നും അറിയിച്ചു.

ഹജ്ജ് യാത്ര സുഗമമാക്കാൻ 'റോഡ് ടു മക്ക' പദ്ധതിയിൽ ഇന്ത്യയെയും ഉൾപ്പെടുത്തണമെന്ന് ഗ്രാൻഡ് മുഫ്തി

Story Highlights: Munambam residents protest against government’s stance on land tax, demanding full restoration of revenue rights.

മുനമ്പം വിഷയത്തിൽ ബിജെപിക്കെതിരെ രൂക്ഷവിമർശനവുമായി മുഖ്യമന്ത്രി