Supplyco Christmas-New Year Fair: Up to 40% Discount on Products

സംസ്ഥാന സർക്കാരിന്റെ ഉടമസ്ഥതയിലുള്ള സപ്ലൈകോയുടെ നേതൃത്വത്തിൽ ഈ വർഷത്തെ ക്രിസ്തുമസ് – പുതുവത്സര മേളകൾ ഇന്ന് മുതൽ ആരംഭിക്കും. രാവിലെ 10.30ന് മുഖ്യമന്ത്രി പിണറായി വിജയൻ പുത്തരിക്കണ്ടം മൈതാനിയിലെ നായനാർ പാർക്കിൽ വച്ച് മേളകളുടെ സംസ്ഥാനതല ഉദ്ഘാടനം നിർവഹിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, തൃശ്ശൂർ എന്നീ ജില്ലകളിൽ പ്രത്യേക മേളകൾ സംഘടിപ്പിക്കും. മറ്റ് ജില്ലകളിൽ, ജില്ലാ ആസ്ഥാനത്തെ സപ്ലൈകോയുടെ പ്രധാന സൂപ്പർ മാർക്കറ്റുകൾ ക്രിസ്തുമസ് – പുതുവത്സര മേളകളായി പ്രവർത്തിക്കും. 13 ഇനം സബ്സിഡി ഉൽപ്പന്നങ്ങൾക്ക് പുറമേ, ശബരി ഉൽപ്പന്നങ്ളും എഫ്.എം.സി.ജി ഉൽപ്പന്നങ്ങളും 10 മുതൽ 40 ശതമാനം വരെ വിലക്കുറവിൽ മേളകളിലൂടെ വിൽപ്പന നടത്തും. ഡിസംബർ 30 വരെയാണ് മേളകൾ നടക്കുക.

രാവിലെ 10 മുതൽ വൈകിട്ട് 8 വരെയാണ് മേളകളുടെ പ്രവർത്തന സമയം. സബ്സിഡി ഉൽപ്പന്നങ്ങൾക്ക് പുറമേ, ബ്രാൻഡഡ് നിത്യോപയോഗ സാധനങ്ങൾക്ക് 5 മുതൽ 30 ശതമാനം വരെ വിലക്കുറവ് ലഭിക്കും. 150-ലധികം ഉൽപ്പന്നങ്ങൾക്കാണ് വിലക്കുറവും പ്രത്യേക ഓഫറുകളും ഉണ്ടായിരിക്കുക.

അവധി ചോദിച്ചതിന് ജീവനക്കാരനെ കുത്തി; ഹോട്ടലുടമ അറസ്റ്റിൽ

ജില്ലാ മേളകളിലും സൂപ്പർ മാർക്കറ്റുകളിലും ഡിസംബർ 21 മുതൽ 30 വരെ ഉച്ചയ്ക്ക് 2.30 മുതൽ 4 വരെ ഫ്ലാഷ് സെയിൽ നടത്തും. ഈ സമയത്ത്, സബ്സിഡിയിതര ഉൽപ്പന്നങ്ങൾക്ക് നിലവിലുള്ള ഓഫറിനേക്കാൾ 10 ശതമാനം വരെ അധിക വിലക്കുറവ് ലഭ്യമാകും. ഈ പ്രത്യേക വിൽപ്പനയിലൂടെ ഉപഭോക്താക്കൾക്ക് കൂടുതൽ ലാഭകരമായി സാധനങ്ങൾ വാങ്ങാൻ അവസരമൊരുങ്ങും.

Story Highlights: Supplyco’s Christmas-New Year Fair begins today with discounts up to 40% on various products

എൻ. പ്രശാന്തിന്റെ ലൈവ് സ്ട്രീം ആവശ്യം സർക്കാർ തള്ളി