ശബരിമലയിലെ ഈ വർഷത്തെ തീർത്ഥാടന സീസണിൽ നടപ്പിലാക്കിയ ക്രമീകരണങ്ങളെ പ്രശംസിച്ച് കോൺഗ്രസ് നേതാവ് കെ മുരളീധരൻ രംഗത്തെത്തി. മുൻ വർഷത്തെ അപേക്ഷിച്ച് മികച്ച ഒരുക്കങ്ങളാണ് ഇത്തവണ നടന്നതെന്നും, തീർത്ഥാടകർക്ക് സുഗമമായി ദർശനം നടത്താൻ സാധിക്കുന്നുവെന്നും അദ്ദേഹം അഭിപ്രായപ്പെട്ടു. കഴിഞ്ഞ വർഷത്തെ അനുഭവപാഠങ്ങൾ ഉൾക്കൊണ്ട് പൊലീസും ദേവസ്വം ബോർഡും കൃത്യമായി ഏകോപനം നടത്തിയതാണ് ഇതിന് കാരണമെന്നും മുരളീധരൻ ചൂണ്ടിക്കാട്ടി.
ഇത്തവണത്തെ സീസണിൽ സ്പോട്ട് ബുക്കിംഗ് സംവിധാനം ഏറെ ഫലപ്രദമായി പ്രവർത്തിച്ചതായി അദ്ദേഹം പറഞ്ഞു. പ്രതിപക്ഷത്തിന്റെ ആവശ്യപ്രകാരമാണ് സ്പോട്ട് ബുക്കിംഗ് നടപ്പിലാക്കിയതെന്നും അദ്ദേഹം കൂട്ടിച്ചേർത്തു. അതേസമയം, കോൺഗ്രസിന്റെ മുഖ്യമന്ത്രി സ്ഥാനാർത്ഥിയെ തീരുമാനിക്കുന്നത് മല്ലികാർജുൻ ഖാർഗെയും രാഹുൽ ഗാന്ധിയും ആയിരിക്കുമെന്നും, തിരഞ്ഞെടുപ്പിന് മുമ്പ് മറ്റ് പല കാര്യങ്ങളും ചെയ്യാനുണ്ടെന്നും മുരളീധരൻ വ്യക്തമാക്കി.
ഈ മണ്ഡലകാലത്ത് ശബരിമലയിൽ ഏറ്റവും കൂടുതൽ ഭക്തർ എത്തിയത് ഡിസംബർ 19-നാണ്. അന്ന് 96,007 ഭക്തർ ദർശനം നടത്തി. സ്പോട്ട് ബുക്കിംഗിലും വൻ വർധനയുണ്ടായി. 22,121 പേർ സ്പോട്ട് ബുക്കിംഗിലൂടെ ദർശനം നടത്തി. തുടർന്നുള്ള ദിവസങ്ളിലും ഭക്തജനത്തിരക്കിൽ കാര്യമായ വർധനയുണ്ടായി. ഡിസംബർ 20-ന് ഉച്ചയ്ക്ക് 12 മണിവരെ 54,099 ഭക്തർ സന്നിധാനത്തെത്തി. ഇതിൽ പമ്പ വഴി 51,818 പേരും പുൽമേടുവഴി 2,281 പേരുമാണ് എത്തിയത്. സ്പോട്ട് ബുക്കിംഗ് വഴി മാത്രം 11,657 പേർ ദർശനം നടത്തി.
സീസണിലെ ഏറ്റവും വലിയ ഭക്തജനത്തിരക്കുണ്ടായിട്ടും ദർശനം സുഗമമാക്കാനും ഭക്തർക്ക് പരാതിരഹിതമായി അയ്യപ്പനെ കണ്ടുമടങ്ങാനും പോലീസും മറ്റു സംവിധാനങ്ങളും വഴിയൊരുക്കി. ക്യൂവിന്റെ നീളം കൂടുന്നുണ്ടെങ്കിലും അനാവശ്യമായ തിക്കും തിരക്കുമില്ലാതെ ദർശനം നടത്താനായതിന്റെ സന്തോഷത്തിലാണ് ഭക്തർ മടങ്ങുന്നത്. സന്നിധാനം സ്പെഷ്യൽ ഓഫീസർ ബി. കൃഷ്ണകുമാർ പറഞ്ഞതനുസരിച്ച്, ഭക്തരുടെ എണ്ണം കുതിച്ചുയർന്നിട്ടും യാതൊരുവിധ അധികനിയന്ത്രണങ്ങളും ഏർപ്പെടുത്തിയിട്ടില്ല.
മുന്നൊരുക്കങ്ങളിലെ സമഗ്രതയും സർക്കാർ സംവിധാനങ്ങളുടെ ഏകോപനവും പോലീസിന്റെ കൃത്യമായ വിന്യാസവുമാണ് എല്ലാവർക്കും സുഖദർശനം ഉറപ്പാക്കാൻ സഹായിച്ചത്. പരീക്ഷകൾ കഴിഞ്ഞതും സ്കൂളുകൾ ക്രിസ്മസ് അവധിയിലേക്ക് കടന്നതും കാരണം വരും ദിവസങ്ങളിൽ കുട്ടികൾ അടക്കം കൂടുതൽ ഭക്തർ എത്തുമെന്നാണ് പ്രതീക്ഷിക്കുന്നത്. മണ്ഡലപൂജയ്ക്ക് മുന്നോടിയായി ഒരു ലക്ഷത്തിലേറെ ഭക്തർ എത്തുമെന്ന കണക്കുകൂട്ടലിൽ സുഖദർശനം ഉറപ്പാക്കാൻ കൃത്യമായ മുന്നൊരുക്കങ്ങൾ നടത്തിയിട്ടുണ്ട്.
ഡിസംബർ 13 മുതലാണ് സ്പോട്ട് ബുക്കിംഗിൽ വലിയ വർധനവുണ്ടായത്. എല്ലാ ദിവസവും പതിനയ്യായിരത്തിനു മുകളിലാണ് സ്പോട്ട് ബുക്കിംഗ് വഴി എത്തിയ ഭക്തരുടെ എണ്ണം. നവംബർ 15 മുതൽ ഡിസംബർ 19 വരെ ആകെ 4,46,130 പേരാണ് സ്പോട്ട് ബുക്കിംഗ് വഴി ദർശനത്തിന് എത്തിയത്. മണ്ഡലപൂജ, തങ്കഅങ്കി ഘോഷയാത്രയുമായി ബന്ധപ്പെട്ട് വർച്വൽ ക്യൂ അടക്കമുള്ള കാര്യങ്ങളിൽ ക്രമീകരണങ്ങൾ പൂർത്തിയായിട്ടുണ്ട്. ഡിസംബർ 25-നാണ് തങ്കഅങ്കി ഘോഷയാത്ര സന്നിധാനത്ത് എത്തുന്നത്. 26-ന് മണ്ഡലമഹോത്സവത്തിന് സമാപനം കുറിച്ചുകൊണ്ട് നട അടയ്ക്കും. ദേവസ്വം വകുപ്പുമന്ത്രി വി.എൻ. വാസവൻ നേരിട്ടെത്തി തങ്കഅങ്കി ഘോഷയാത്ര-മണ്ഡലപൂജ ക്രമീകരണങ്ങൾ വിലയിരുത്തുമെന്നും അറിയിച്ചിട്ടുണ്ട്.
Story Highlights: Congress leader K Muraleedharan praises improved arrangements at Sabarimala, highlighting smooth darshan for devotees and effective spot booking system.
സൈബർ ആക്രമണങ്ങൾ വൃത്തികെട്ട സംസ്കാരമാണെന്ന് കെ മുരളീധരൻ പ്രതികരിച്ചു. പൊലീസ് സംവിധാനം പരാജയപ്പെടുന്നുവെന്നും, Read more
കോൺഗ്രസ് നേതാവ് കെ. മുരളീധരൻ ക്ഷേത്രാചാരങ്ങളുടെ രാഷ്ട്രീയവത്കരണത്തെ വിമർശിച്ചു. യു.ഡി.എഫിലേക്ക് മടങ്ങിവരാൻ വിട്ടുപോയവരോട് Read more
ശബരിമല മണ്ഡലകാലത്ത് ഭക്തരുടെ എണ്ണത്തിലും വരുമാനത്തിലും വൻ വർധനവ് രേഖപ്പെടുത്തി. കഴിഞ്ഞ വർഷത്തേക്കാൾ Read more
മകരവിളക്കിന് മുന്നോടിയായി ശബരിമലയിലും പരിസര പ്രദേശങ്ങളിലും എക്സൈസ് വകുപ്പ് കർശന പരിശോധനകൾ നടത്തി. Read more
ശബരിമല മകരവിളക്ക് തീർത്ഥാടനത്തിന്റെ ആദ്യ മൂന്ന് ദിവസങ്ങളിൽ എക്സൈസ് വകുപ്പ് വ്യാപക റെയ്ഡുകൾ Read more
ശബരിമലയിൽ തീർത്ഥാടകരുടെ എണ്ണത്തിൽ നേരിയ കുറവ് രേഖപ്പെടുത്തി. 73,588 പേർ ഇന്നലെ ദർശനം Read more
ശബരിമല ശ്രീധർമ്മശാസ്താ ക്ഷേത്രത്തിൽ മകരവിളക്ക് തീർത്ഥാടനത്തിനായി നട തുറന്നു. ജനുവരി 14-ന് മകരവിളക്ക് Read more
ശബരിമല ക്ഷേത്രത്തിൽ മകരവിളക്ക് മഹോത്സവത്തിന്റെ തുടക്കം കുറിച്ച് ഇന്ന് വൈകീട്ട് നാലു മണിക്ക് Read more
ഡിസംബർ 30ന് ശബരിമല നട തുറക്കും. തീർത്ഥാടകർക്കായി സ്പോട്ട് ബുക്കിംഗ് കൗണ്ടറുകൾ വർധിപ്പിക്കും. Read more
ശബരിമല തീർത്ഥാടകർക്കായി പമ്പയിലെ സ്പോട്ട് ബുക്കിംഗ് കൗണ്ടറുകളുടെ എണ്ണം വർധിപ്പിക്കാൻ തീരുമാനിച്ചു. നിലവിലുള്ള Read more
