Shashi Tharoor slams Centre over Wayanad disaster response

വയനാട് ദുരന്തത്തെ കേന്ദ്രീകരിച്ച് ദുരന്ത നിവാരണ ഭേദഗതി ബില്ലിന്റെ ചർച്ചയിൽ കേന്ദ്രസർക്കാരിനെതിരെ രൂക്ഷ വിമർശനവുമായി തിരുവനന്തപുരം എംപി ശശി തരൂർ രംഗത്തെത്തി. വയനാട്ടിലെ ദുരന്തം സമാനതകളില്ലാത്തതാണെന്നും അതി തീവ്ര ദുരന്തമായി പ്രഖ്യാപിക്കണമെന്ന് ആവശ്യപ്പെട്ടിട്ടും നടപടിയുണ്ടായില്ലെന്നും അദ്ദേഹം ആരോപിച്ചു. ദുരന്തത്തിനായി ഒരു രൂപ പോലും കേന്ദ്രം നൽകിയിട്ടില്ലെന്ന് തരൂർ ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൻഡിആർഎഫ് വിതരണത്തിൽ വേർതിരിവുണ്ടെന്ന് ആരോപിച്ച തരൂർ, കേന്ദ്രത്തിന്റെ നിലപാട് അംഗീകരിക്കാനാവില്ലെന്ന് വ്യക്തമാക്കി. ഇടക്കാല സഹായം നൽകുന്നതിൽ വലിയ വീഴ്ചയുണ്ടായെന്നും ബിൽ അവതരിപ്പിച്ചത് വിശദമായ പഠനം നടത്താതെയാണെന്നും അദ്ദേഹം കുറ്റപ്പെടുത്തി. പുതിയ ബില്ല് തന്നെ ഒരു ദുരന്തമാണെന്ന് തരൂർ വിമർശിച്ചു.

വയനാട്ടിൽ ഒരു പ്രദേശം തന്നെ ഇല്ലാതായതും നിരവധി പേർ മരിച്ചതും ചൂണ്ടിക്കാട്ടിയ തരൂർ, നിലവിലെ നിയമത്തിനും പുതിയ ബില്ലിനും ഇത്തരം ദുരന്തങ്ങളിൽ ഫലപ്രദമായി ഇടപെടാൻ സാധിക്കില്ലെന്ന് വിമർശിച്ചു. ദുരന്ത നിവാരണത്തിന് നിയമ പരിരക്ഷ ഉറപ്പാക്കുന്നില്ലെന്നും പ്രളയ സാഹചര്യം ആവർത്തിക്കുന്ന സംസ്ഥാനങ്ങൾക്ക് വേണ്ടത്ര ശ്രദ്ധ നൽകുന്നില്ലെന്നും അദ്ദേഹം കുറ്റപ്പെടുത്തി. കേന്ദ്രസർക്കാരിന്റെ നിലപാടുകൾ ചോദ്യം ചെയ്ത തരൂർ, സഹായം നൽകാൻ മടിക്കുന്നതിന്റെ കാരണം വ്യക്തമാക്കണമെന്ന് ആവശ്യപ്പെട്ടു.

യൂത്ത് കോൺഗ്രസ് സംസ്ഥാന അധ്യക്ഷസ്ഥാനത്തേക്ക്; സമ്മർദ്ദം ശക്തമാക്കി ഐ ഗ്രൂപ്പ്

Story Highlights: Shashi Tharoor criticizes central government’s response to Wayanad disaster during Disaster Management Amendment Bill discussion

മുണ്ടക്കൈ ഉരുൾപൊട്ടൽ: കേന്ദ്രസഹായം വയനാടിനുള്ള പ്രത്യേക പാക്കേജാണോയെന്ന് വ്യക്തതയില്ലെന്ന് മന്ത്രി എം.ബി. രാജേഷ്