Mammootty's 'Dominic and The Ladies Purse' Teaser Released

മെഗാസ്റ്റാർ മമ്മൂട്ടിയുടെ പുതിയ ചിത്രമായ ‘ഡൊമിനിക് ആൻഡ് ദ ലേഡീസ് പേഴ്സി’ന്റെ ടീസർ പുറത്തിറങ്ങി. പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ ആദ്യമായി മലയാളത്തിൽ സംവിധാനം ചെയ്യുന്ന ഈ ചിത്രം കോമഡിയും ത്രില്ലറും സമന്വയിപ്പിച്ച ഒരു പുതുമയുള്ള സിനിമയാണെന്ന് ടീസറിൽ നിന്നും വ്യക്തമാകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ടീസറിൽ മമ്മൂട്ടിക്കൊപ്പം ഗോകുൽ സുരേഷിന്റെ കഥാപാത്രവും പ്രത്യക്ഷപ്പെടുന്നുണ്ട്. ഒരു സംഘട്ടനത്തിനായി ഗോകുൽ സുരേഷിനെ തയ്യാറാക്കുന്ന മമ്മൂട്ടിയുടെ രസകരമായ സംഭാഷണം ടീസറിന്റെ ഹൈലൈറ്റാണ്. ഡോക്ടർ സൂരജ് രാജനും ഡോക്ടർ നീരജ് രാജനും ചേർന്നാണ് തിരക്കഥ രചിച്ചിരിക്കുന്നത്. മമ്മൂട്ടി കമ്പനിയുടെ ബാനറിൽ മമ്മൂട്ടി നിർമ്മിക്കുന്ന ആറാമത്തെ ചിത്രം കൂടിയാണിത്.

തമിഴിൽ വമ്പൻ ആക്ഷൻ ചിത്രങ്ങളും പ്രണയ ചിത്രങ്ങളും ഒരുക്കിയിട്ടുള്ള ഗൗതം വാസുദേവ് മേനോൻ ആദ്യമായി ഒരുക്കുന്ന കോമഡി ത്രില്ലർ ആണ് ഈ മമ്മൂട്ടി ചിത്രം. കൊച്ചിയിലും മൂന്നാറിലുമായാണ് ചിത്രീകരണം നടന്നത്. മമ്മൂട്ടിക്കും ഗോകുൽ സുരേഷിനും പുറമേ ലെന, സിദ്ദിഖ്, വിജി വെങ്കടേഷ്, വിജയ് ബാബു, വിനീത്, സുഷ്മിത ഭട്ട് തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നു.

ലോകം ചാപ്റ്റർ 2 വരുന്നു; ടൊവിനോ തോമസ് നായകന്