CPI(M) to Address Karunagappally Issues Post State Conference

കരുനാഗപ്പള്ളിയിലെ സിപിഐഎം സംഘടനാ പ്രശ്നത്തിൽ സംസ്ഥാന സമ്മേളനത്തിന് ശേഷം മാത്രമേ പരിഹാര നടപടികൾ സ്വീകരിക്കൂ എന്ന ധാരണയിലാണ് പാർട്ടി നേതൃത്വം എത്തിച്ചേർന്നിരിക്കുന്നത്. പ്രശ്നങ്ങൾ വിശദമായി വിലയിരുത്തി റിപ്പോർട്ട് സമർപ്പിക്കാൻ അഡ് ഹോക്ക് കമ്മിറ്റിക്ക് നിർദ്ദേശം നൽകിയിട്ടുണ്ട്. ഈ റിപ്പോർട്ട് ജില്ലാ സെക്രട്ടേറിയേറ്റിനാണ് സമർപ്പിക്കേണ്ടത്. ഏരിയ കമ്മിറ്റിക്ക് പകരം രൂപീകരിച്ച ഏഴംഗ അഡ്ഹോക്ക് കമ്മിറ്റിയുടെ ആദ്യ യോഗം ഇന്ന് ചേരുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലോക്കൽ സമ്മേളനങ്ങൾ അലങ്കോലപ്പെടുത്തിയതിനെ തുടർന്നാണ് സംസ്ഥാന സെക്രട്ടറി ഏരിയ കമ്മിറ്റിയെ പിരിച്ചുവിട്ടത്. വിഭാഗീയത അവസാനിപ്പിക്കാൻ സംസ്ഥാന സെക്രട്ടറി നേരിട്ട് പല തവണ ഇടപെട്ടെങ്കിലും പ്രശ്നങ്ങൾ കൂടുതൽ വഷളായതല്ലാതെ പരിഹാരമുണ്ടായില്ല. കുലശേഖരപുരം സൗത്ത് ലോക്കൽ സമ്മേളനത്തിൽ പങ്കെടുക്കാനെത്തിയ സംസ്ഥാന നേതാക്കളായ സോമപ്രസാദിനെയും കെ രാജഗോപാലിനെയും പൂട്ടിയിടുന്ന സാഹചര്യം വരെ സ്ഥിതിഗതികൾ വഷളായി. ഔദ്യോഗിക നേതൃത്വത്തിനെതിരെ കരുനാഗപ്പള്ളിയിലെ ഒരു വിഭാഗം പാർട്ടി നേതാക്കളും പ്രവർത്തകരും പരസ്യ പ്രതിഷേധവുമായി രംഗത്തെത്തിയതോടെയാണ് സമ്മേളന കാലത്തെ അസാധാരണ നടപടിയിലേക്ക് സിപിഐഎം കടന്നത്.

എം.എ. ബേബിയുമായി 57 വർഷത്തെ അടുപ്പമെന്ന് ജി. സുധാകരൻ

സിപിഐഎം ജില്ലാ സെക്രട്ടേറിയേറ്റ് അംഗം ടി മനോഹരൻ കൺവീനറായി, എസ് ആർ അരുൺ ബാബു, എസ് എൽ സജികുമാർ, ബി സത്യദേവൻ, സന്തോഷ്, ജി മുരളീധരൻ, ഇക്ബാൽ എന്നിവരടങ്ങിയ ഏഴംഗ അഡ്ഹോക്ക് കമ്മിറ്റിയ്ക്കാണ് കരുനാഗപ്പള്ളിയിൽ ഏരിയ കമ്മിറ്റിയുടെ ചുമതല നൽകിയിരിക്കുന്നത്. പ്രശ്നം ഉണ്ടായ ഏഴ് ലോക്കൽ കമ്മിറ്റികളിൽ അഡ്ഹോക്ക് കമ്മിറ്റി പുനഃപരിശോധന നടത്തും. സംസ്ഥാനത്തെ മറ്റ് ഇടങ്ങളിൽ നിന്ന് ഉയരുന്ന വിഭാഗീയ നീക്കങ്ങൾക്ക് എതിരെയുള്ള താക്കീതാണ് കരുനാഗപ്പള്ളിയിലെ നടപടിയെന്നത് വ്യക്തമാണ്.

Story Highlights: CPI(M) to address Karunagappally organizational issues post state conference

കൊല്ലത്ത് കൊടികൾ നശിപ്പിച്ച കേസ്: സിപിഐഎം പ്രവർത്തകൻ അറസ്റ്റിൽ