Empuraan Shooting Wrapped Up, Set for March 2025 Release

മലയാള സിനിമയിലെ ഏറ്റവും വലിയ ബജറ്റ് ചിത്രമായ ‘എമ്പുരാൻ’ ഷൂട്ടിംഗ് പൂർത്തിയായതായി സംവിധായകൻ പൃഥ്വിരാജ് സുകുമാരൻ അറിയിച്ചു. സോഷ്യൽ മീഡിയയിലൂടെയാണ് അദ്ദേഹം ഈ വിവരം പങ്കുവച്ചത്. “ഇന്ന് പുലർച്ചെ 5:35 ന്, മലമ്പുഴ റിസർവോയറിന്റെ തീരത്ത് എമ്പുരാന്റെ അവസാനത്തെ ഷോട്ട് ഞങ്ങൾ പൂർത്തിയാക്കി. 117 ദിവസങ്ങൾക്കുള്ളിൽ തിയേറ്ററുകളിൽ കാണാം,” എന്നാണ് പൃഥ്വിരാജ് കുറിച്ചത്. ഒപ്പം ഒരു പുതിയ പോസ്റ്ററും അദ്ദേഹം പങ്കുവച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മോഹൻലാൽ നായകനായെത്തുന്ന ‘എമ്പുരാൻ’ 2025 മാർച്ച് 27 നാണ് തിയറ്ററുകളിൽ എത്തുക. ലൂസിഫർ ഫ്രാഞ്ചൈസിലെ രണ്ടാമത്തെ ചിത്രമായ ഈ സിനിമയുടെ ഷൂട്ടിംഗ് പൂർത്തിയായതായി മോഹൻലാലും സോഷ്യൽ മീഡിയയിൽ അറിയിച്ചിട്ടുണ്ട്. യുഎസ്, യുകെ, യുഎഇ തുടങ്ങിയ വിദേശ രാജ്യങ്ങളിലും ഇന്ത്യയിലെ 8 സംസ്ഥാനങ്ങളിലുമായി 14 മാസം നീണ്ട ഷൂട്ടിംഗ് യാത്രയാണ് ‘എമ്പുരാൻ’ പൂർത്തിയാക്കിയത്.

സ്റ്റീഫൻ നെടുമ്പള്ളി അഥവാ അബ്രഹാം ഖുറേഷി എന്ന പ്രധാന കഥാപാത്രമായി മോഹൻലാൽ അഭിനയിക്കുന്ന ചിത്രത്തിൽ, ഖുറേഷിയുടെ വലംകൈയായ സയീദ് മസൂദ് എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. 2019-ൽ പുറത്തിറങ്ങിയ ‘ലൂസിഫർ’ എന്ന ചിത്രത്തിന്റെ രണ്ടാം ഭാഗമാണ് ‘എമ്പുരാൻ’. മുരളി ഗോപിയുടെ തിരക്കഥയിൽ പൃഥ്വിരാജ് സുകുമാരൻ സംവിധാനം ചെയ്യുന്ന ഈ ചിത്രം മലയാള സിനിമയിലെ ഏറ്റവും വലിയ ബജറ്റിൽ ഒരുങ്ങുന്ന സിനിമയായി മാറിയിരിക്കുകയാണ്.

മോഹൻലാലിൻ്റെ 'തുടരും' സിനിമയ്ക്ക് അന്താരാഷ്ട്ര അംഗീകാരം

Story Highlights: Prithviraj Sukumaran announces completion of ‘Empuraan’ shooting, set for March 2025 release.

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു