Dhanush and Aishwarya Rajinikanth's divorce finalized by Chennai court

ചെന്നൈ കോടതി ഇന്ന് നടൻ ധനുഷിന്റെയും ഐശ്വര്യ രജനികാന്തിന്റെയും വിവാഹമോചനം അംഗീകരിച്ച് ഉത്തരവ് പുറപ്പെടുവിച്ചു. ഒരുമിച്ച് ജീവിക്കാൻ സാധ്യമല്ലെന്ന ഇരുകൂട്ടരുടേയും വാദം പരിഗണിച്ചാണ് കോടതി വിവാഹമോചനം അനുവദിച്ചത്. കഴിഞ്ഞ മൂന്നു തവണയും ഹിയറിങ്ങിന് വിളിച്ചപ്പോൾ ഇരുവരും ഹാജരായിരുന്നില്ല, അതിനാൽ തന്നെ ഇരുവരും ഒന്നിക്കുമെന്ന അഭ്യൂഹങ്ങളും ഉണ്ടായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2022-ലാണ് ധനുഷും ഐശ്വര്യയും വേർപിരിയുന്ന വാർത്ത സമൂഹമാധ്യമങ്ങളിലൂടെ സംയുക്തപ്രസ്താവനയായി അറിയിച്ചത്. 18 വർഷത്തെ ഒരുമിച്ചുള്ള യാത്രയെക്കുറിച്ച് പരാമർശിച്ച ഇരുവരും, വ്യക്തികൾ എന്ന നിലയിൽ പരസ്പരം മനസ്സിലാക്കാനും സമയമെടുക്കാനും തീരുമാനിച്ചതായി വ്യക്തമാക്കി. ഇരുവരുടെയും തീരുമാനത്തെ മാനിക്കണമെന്നും ആവശ്യമായ സ്വകാര്യത നൽകണമെന്നും അഭ്യർത്ഥിച്ചു.

2004-ലാണ് ധനുഷും രജനികാന്തിന്റെ മകൾ ഐശ്വര്യയും തമ്മിലുള്ള വിവാഹം നടന്നത്. ലിംഗ, യാത്ര എന്ന രണ്ടു മക്കളുമുണ്ട് ഇവർക്ക്. ഐശ്വര്യ ധനുഷിനെ നായകനാക്കി ‘3’ എന്ന ചിത്രം സംവിധാനം ചെയ്തിട്ടുണ്ട്. വളർച്ചയുടെയും മനസ്സിലാക്കലിന്റെയും വിട്ടുവീഴ്ചകളുടേയും പൊരുത്തപ്പെടലിന്റെയും കൂടിയായിരുന്നു അവരുടെ 18 വർഷത്തെ ദാമ്പത്യജീവിതമെന്ന് ഇരുവരും പ്രസ്താവനയിൽ പറഞ്ഞിരുന്നു.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

Story Highlights: Chennai court grants divorce to actor Dhanush and Aishwarya Rajinikanth after 18 years of marriage

ധനുഷിന്റെ ‘തേരേ ഇഷ്ക് മേം’ ബോക്സോഫീസിൽ കുതിപ്പ്; മൂന്ന് ദിവസത്തിനുള്ളിൽ 50 കോടി കളക്ഷൻ