VD Satheesan demands CPIM, Pinarayi Vijayan apologize to KM Shaji

സി.പി.ഐ.എമ്മും പിണറായി വിജയനും കെ.എം ഷാജിയോട് പരസ്യമായി മാപ്പ് പറയണമെന്ന് പ്രതിപക്ഷ നേതാവ് വി ഡി സതീശൻ ആവശ്യപ്പെട്ടു. രാഷ്ട്രീയ എതിരാളികളെ വേട്ടയാടുന്ന പ്രതികാര രാഷ്ട്രീയം ഇനിയെങ്കിലും സി.പി.ഐ.എം അവസാനിപ്പിക്കണമെന്നും അദ്ദേഹം പറഞ്ഞു. കെ.എം ഷാജിയെ കള്ളക്കേസില് കുടുക്കി ജയിലില് അടയ്ക്കാന് ശ്രമിച്ച സി.പി.ഐഎമ്മിനും ഇ.ഡിക്കും മുഖംമടച്ചു കിട്ടിയ അടിയാണ് സുപ്രീം കോടതി വിധിയെന്നും സതീശൻ ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജിലന്സ് രേഖപ്പെടുത്തിയ 54 പേരുടെ മൊഴികളില് ഏതെങ്കിലും ഒരു വ്യക്തി ഷാജി പണം ആവശ്യപെട്ടിട്ടുണ്ടെന്നോ പണം വാങ്ങിയെന്നോ മൊഴി നല്കിയിട്ടുണ്ടോയെന്ന് സതീശൻ ചോദിച്ചു. അത്തരം ഒരു മൊഴിയുണ്ടെങ്കില് അത് കാണിക്കണമെന്നും അദ്ദേഹം ആവശ്യപ്പെട്ടു. കേട്ടുകേള്വിയുടെ അടിസ്ഥാനത്തിലുള്ള മൊഴികളല്ല വേണ്ടതെന്നും അദ്ദേഹം വ്യക്തമാക്കി.

ഇത്തരം നടപടികൾ അനുവദിച്ച് തന്നാല് ഏത് രാഷ്ട്രീയക്കാരന് എതിരെയും എന്ത് കേസും രജിസ്റ്റര് ചെയ്യാന് സര്ക്കാരുകള്ക്ക് അനുമതി നല്കുന്നതിന് തുല്യമാകുമെന്ന് സതീശൻ മുന്നറിയിപ്പ് നൽകി. നേരത്തെ ഹൈക്കോടതിയില് നിന്നും സര്ക്കാരിന് കണക്കിന് കിട്ടിയതാണെന്നും സുപ്രീം കോടതിയും ഷാജിയുടെ നിരപരാധിത്വം ശരിവച്ചതായും അദ്ദേഹം പറഞ്ഞു. സി.പി.എമ്മും പിണറായി വിജയനും കെ.എം ഷാജിയോടും കേരളത്തോടും പരസ്യമായി മാപ്പ് പറയണമെന്നും അദ്ദേഹം ആവശ്യപ്പെട്ടു.

പ്രതിപക്ഷ നേതാവിൻ്റെ പ്രസ്താവന മാനസിക നില തെറ്റിയ ആളുടേതെന്ന് കടകംപള്ളി സുരേന്ദ്രൻ

Story Highlights: Opposition leader VD Satheesan demands public apology from CPIM and Pinarayi Vijayan to KM Shaji

മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിയുമായി ഇന്ന് കൂടിക്കാഴ്ച നടത്തും