മലയാളികളുടെ പ്രിയപ്പെട്ട നടനായ അജു വർഗീസ് ധ്യാൻ ശ്രീനിവാസനെ കുറിച്ച് പറഞ്ഞ കാര്യങ്ങൾ ഇപ്പോൾ സോഷ്യൽ മീഡിയയിൽ വൈറലാണ്. ഒരു ഓൺലൈൻ മാധ്യമത്തിന് നൽകിയ അഭിമുഖത്തിലാണ് അജു വർഗീസ് ധ്യാനിനെ കുറിച്ച് സംസാരിച്ചത്. ഇരുവരും അടുത്ത സുഹൃത്തുക്കളാണെന്നും എല്ലാ ആഴ്ചയിലും ധ്യാനിന്റെ സിനിമ റിലീസ് ചെയ്യാറുണ്ടെന്നും നടൻ പറഞ്ഞു.
ഒരുകാലത്ത് താൻ ധ്യാനിന്റെ മിക്ക സിനിമകളിലും അഭിനയിച്ചിട്ടുണ്ടെന്നും ഇപ്പോൾ അങ്ങനെയല്ലെന്നും അജു വർഗീസ് കൂട്ടിച്ചേർത്തു. അടുപ്പിച്ച് സിനിമകൾ ചെയ്യുന്നതിന് ധ്യാൻ നൽകുന്ന വിശദീകരണം തനിക്ക് ശരിയായി തോന്നിയിട്ടുണ്ടെന്നും നടൻ പറഞ്ഞു. വലിയ നടന്മാരുടെ അടുത്തേക്ക് എത്താൻ പറ്റാത്ത കഥകളാണ് ധ്യാനിനെ തേടി വരാറുള്ളതെന്നും സിനിമയിലെത്തണമെന്ന് അതിയായ ആഗ്രഹമുള്ളവരോട് അവൻ ഒരിക്കലും നോ പറയില്ലെന്നും അജു വർഗീസ് വ്യക്തമാക്കി.
മലർവാടി ആർട്സ് ക്ലബ് എന്ന ചിത്രത്തിലൂടെയാണ് അജു വർഗീസ് സിനിമാ രംഗത്തേക്ക് അരങ്ങേറ്റം കുറിച്ചത്. ആദ്യമൊക്കെ കോമഡി കഥാപാത്രങ്ങളാണ് അവതരിപ്പിച്ചിരുന്നതെങ്കിലും ഹെലൻ എന്ന ചിത്രത്തിലൂടെ ട്രാക്ക് മാറ്റിപ്പിടിച്ചിരുന്നു. പിന്നീട് നിരവധി സിനിമകളിൽ സീരിയസ് വേഷങ്ങൾ അവതരിപ്പിക്കാൻ തുടങ്ങി. എല്ലാ പുതിയ സംവിധായകർക്കും അവരുടെ ആദ്യത്തെ സിനിമ ആർ.ആർ.ആറും കെ.ജി.എഫും പോലെ തന്നെയാണെന്നും അവരുടെ പ്രഭാസാണ് ധ്യാനെന്നും അജു വർഗീസ് കൂട്ടിച്ചേർത്തു.
Story Highlights: Actor Aju Varghese praises Dhyan Sreenivasan’s frequent film releases and explains his approach to new directors
