CPI criticizes CPIM's absence in Wayanad by-election campaign

വയനാട് ഉപതെരഞ്ഞെടുപ്പ് ഫലത്തിന് പിന്നാലെ ഇടതുമുന്നണിയില് പൊട്ടിത്തെറി ഉണ്ടായിരിക്കുകയാണ്. സിപിഐഎമ്മിന്റെ പ്രചാരണത്തിലെ അസാന്നിധ്യമാണ് ഇതിന് കാരണമായി ചൂണ്ടിക്കാണിക്കപ്പെടുന്നത്. തെരഞ്ഞെടുപ്പ് പരാജയത്തിനപ്പുറം വോട്ട് കുറഞ്ഞതില് സിപിഐ കടുത്ത അതൃപ്തിയിലാണ്. ഇടതുപക്ഷത്തിന് ലഭിക്കേണ്ട കുറേ വോട്ടുകള് പോള് ചെയ്യാതെ പോയെന്ന് വയനാട്ടിലെ സ്ഥാനാര്ഥിയായിരുന്ന സത്യന് മൊകേരിയും പ്രതികരിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വയനാട്ടില് പരാജയം ഉറപ്പായിരുന്നെങ്കിലും രാഹുല് ഗാന്ധിക്കെതിരെ ആനി രാജയ്ക്ക് കിട്ടിയതില് 71616 വോട്ടുകളാണ് ചോര്ന്നു പോയത്. തെരഞ്ഞെടുപ്പ് പ്രചാരണത്തിലും മറ്റു പ്രവര്ത്തനങ്ങളിലും വലിയ പാളിച്ചയുണ്ടായെന്നാണ് സിപിഐയുടെ വിലയിരുത്തല്. പ്രചാരണ റാലികളിലും പ്രവര്ത്തനത്തിലും സിപിഐഎം നേതാക്കളുടെ സാന്നിധ്യം കുറഞ്ഞു. മുഖ്യമന്ത്രിയുടെ റാലിയില് പോലും പതിനായിരം പേരെങ്കിലും പങ്കെടുക്കേണ്ടിടത്ത് പകുതിയില് താഴെ ആളുകളാണ് പങ്കെടുത്തതെന്നും സിപിഐ വിലയിരുത്തുന്നു.

ഗൃഹസമ്പര്ക്കവും പോളിംഗ് ദിനത്തിലെ ഏകോപനവും മോശമായെന്നും വിലയിരുത്തലുണ്ട്. തോല്ക്കാന് പോകുന്ന തെരഞ്ഞെടുപ്പില് വോട്ട് ചെയ്യണമോ എന്ന് ചിന്തിച്ച് വോട്ട് ചെയ്യാത്തവരുണ്ടെന്ന് വയനാട് എല്ഡിഎഫ് സ്ഥാനാര്ഥിയായിരുന്ന സത്യന് മൊകേരി പറഞ്ഞു. വിജയ സാധ്യതയില്ലാത്ത മണ്ഡലത്തില് മുതിര്ന്ന നേതാവായ സത്യന് മൊകേരിയേ സ്ഥാനാര്ത്ഥിയാക്കിയത് സിപിഐക്കുള്ളിലും വിമര്ശനത്തിന് വഴി വെച്ചിട്ടുണ്ട്. ബിജെപി ചെയ്തത് പോലെ യുവനിരയെ ഇറക്കി ഭാവിയിലക്ക് സജ്ജമാകണമായിരുന്നുവെന്ന അഭിപ്രായം പാര്ട്ടിക്കുള്ളില് ശക്തമാണ്.

സിപിഐ പാർട്ടി കോൺഗ്രസിന് ഇന്ന് ചണ്ഡീഗഡിൽ തുടക്കം; ഡി രാജയുടെ കാര്യത്തിൽ ആകാംക്ഷ

Story Highlights: CPI criticizes CPIM’s absence in Wayanad by-election campaign, leading to internal conflict in Left Front

എകെജി സെന്ററിന് ഭൂമി വാങ്ങും മുൻപേ മുന്നറിയിപ്പ്; അവഗണിച്ച് സിപിഐഎം, സുപ്രീംകോടതി നോട്ടീസ്