Sehwag's son misses Ferrari prize, scores 297 in Cooch Behar Trophy

മകൻ ആര്യവീർ ഫെരാരി കാർ സമ്മാനം നേടാനുള്ള അവസരം നഷ്ടപ്പെടുത്തിയതിനെക്കുറിച്ച് സോഷ്യൽ മീഡിയയിൽ പ്രതികരിച്ച് ഇന്ത്യൻ ക്രിക്കറ്റ് ഇതിഹാസം വീരേന്ദർ സെവാഗ് രംഗത്തെത്തി. കൂച്ച് ബെഹാർ ട്രോഫിയിൽ മേഘാലയയ്ക്കെതിരെ ഡൽഹിക്ക് വേണ്ടി കളിച്ച ആര്യവീർ 309 പന്തിൽ 297 റൺസ് നേടി പുറത്തായി. സെവാഗിന്റെ കരിയറിലെ ഏറ്റവും ഉയർന്ന സ്കോറായ 319 മറികടന്നാൽ ഫെരാരി സമ്മാനമായി നൽകാമെന്നായിരുന്നു വീരുവിന്റെ വാഗ്ദാനം. എന്നാൽ 23 റൺസ് അകലെ ആര്യവീറിന് ഫെരാരി നഷ്ടമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എക്സ് പ്ലാറ്റ്ഫോമിൽ പോസ്റ്റ് ചെയ്ത കുറിപ്പിൽ മകനെ അഭിനന്ദിക്കുകയും തന്റെ വാഗ്ദാനത്തെ ഓർമിപ്പിക്കുകയും ചെയ്തു സെവാഗ്. “ആര്യവീർ നന്നായി കളിച്ചു. എന്നാൽ 23 റൺസ് അകലെ ഫെരാരി നഷ്ടമായി. പക്ഷേ നന്നായി കളിച്ചു, ഉള്ളിലെ തീ അണയാതെ സംരക്ഷിക്കൂ. ഡാഡിയേക്കാൾ കൂടുതൽ സെഞ്ചുറികളും ഡബിൾസും ട്രിപ്പിളുകളും നേടട്ടെ,” എന്നായിരുന്നു സെവാഗിന്റെ പോസ്റ്റ്.

2015-ൽ ഹർഷ ഭോഗ്ലെയ്ക്ക് നൽകിയ അഭിമുഖത്തിലാണ് വീരു ഈ വാഗ്ദാനം ചെയ്തത്. മികച്ച സ്കോറായ 319 മറികടന്നാൽ, മക്കളായ ആര്യവീറിനും വേദാന്തിനും ഫെരാരി സമ്മാനമായി നൽകുമെന്ന് സേവാഗ് പറഞ്ഞിരുന്നു. സ്കൂൾ ക്രിക്കറ്റിൽ മറികടന്നാലും മതിയെന്നായിരുന്നു വ്യവസ്ഥ. കരിയറിൽ ഒരിക്കൽ ശ്രീലങ്കയ്ക്കെതിരെ 293 റൺസിന് പുറത്തായ സെവാഗിന് ട്രിപ്പിൾ സെഞ്ചുറി നഷ്ടമായതിന്റെ വേദനയും അറിയാം.

മയാമി ഓപ്പൺ: ജോക്കോവിച്ചിനെ അട്ടിമറിച്ച് മെൻസിച്ച് കിരീടത്തിൽ

Well played @aaryavirsehwag . Missed a Ferrari by 23 runs. But well done, keep the fire alive and may you score many more daddy hundreds and doubles and triples. Khel jaao.. pic.twitter.com/4sZaASDkjx
— Virender Sehwag (@virendersehwag) November 22, 2024