Actress to withdraw sexual harassment complaint against 7 including Mukesh

ആലുവ സ്വദേശിയായ നടി മുകേഷ് അടക്കം ഏഴ് പേർക്കെതിരെ നൽകിയ ലൈംഗിക പരാതി പിൻവലിക്കുന്നതായി അറിയിച്ചു. സർക്കാരും പോലീസും തനിക്കെതിരെ എടുത്ത കേസിൽ ഏകപക്ഷീയമായ നിലപാട് സ്വീകരിച്ചുവെന്ന് ആരോപിച്ചാണ് നടി ഈ തീരുമാനമെടുത്തത്. വ്യാജ പരാതിയായിരുന്നിട്ടും പോക്സോ കേസിൽ തന്നെ വേട്ടയാടാൻ ശ്രമിക്കുന്നുവെന്നും നടി കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേസ് പിൻവലിക്കാനുള്ള നടപടികൾ ഉടൻ ആരംഭിക്കുമെന്നും എഐജി പൂങ്കുഴലിയ്ക്ക് കത്ത് നൽകുമെന്നും നടി വ്യക്തമാക്കി. സർക്കാരാണ് തന്നെ രക്ഷിക്കേണ്ടിയിരുന്നതെന്നും എന്നാൽ പോക്സോ കേസിൽ വ്യക്തത ഉണ്ടായിട്ടില്ലെന്നും നടി പറഞ്ഞു. പോക്സോ പരാതിക്ക് പിന്നിൽ മുകേഷോ ജയസൂര്യയോ ആണെന്നും അവർ പറഞ്ഞ് ചെയ്യിപ്പിച്ചതാണെന്നും നടി ആരോപിച്ചു.

നടിയുടെ പരാതിയിൽ മുകേഷ്, ജയസൂര്യ, മണിയൻപിള്ള രാജു എന്നിവരടക്കം ഏഴു പേർക്കെതിരെ പൊലീസ് കേസെടുത്തിരുന്നു. ഇവർ വിവിധയിടങ്ങളിൽ വച്ച് ലൈംഗിക അതിക്രമം നടത്തിയെന്നായിരുന്നു പരാതി. പ്രത്യേക അന്വേഷണ സംഘത്തിന്റെ അന്വേഷണം പുരോഗമിക്കുന്നതിനിടെയാണ് നടി പരാതി പിൻവലിക്കുന്നത്. ചില കേസുകളിൽ കുറ്റപത്രത്തിലേക്കെത്തുന്ന സാഹചര്യത്തിലാണ് നടി ഈ തീരുമാനമെടുത്തിരിക്കുന്നത്.

എന്തുകൊണ്ട് ചില സിനിമകൾ വിജയിക്കുന്നില്ല? ആസിഫ് അലി പറയുന്നു

Story Highlights: Actress from Aluva to withdraw sexual harassment complaint against 7 people including actor Mukesh, citing biased stance by government and police.

എന്തുകൊണ്ട് ചില സിനിമകൾ വിജയിക്കുന്നില്ല? ആസിഫ് അലി പറയുന്നു