അമരൻ സിനിമയിൽ വിദ്യാർഥിയുടെ ഫോൺ നമ്പർ ഉപയോഗിച്ചതിനെതിരെ നിർമാതാക്കൾക്ക് വക്കീൽ നോട്ടീസ് അയച്ചിരിക്കുകയാണ് ഒരു എഞ്ചിനീയറിംഗ് വിദ്യാർഥി. വി.വി. വാഗീശൻ എന്ന വിദ്യാർഥിയാണ് നോട്ടീസ് അയച്ചത്. സിനിമയിൽ സായി പല്ലവി അവതരിപ്പിച്ച ഇന്ദു റെബേക്ക വർഗീസിന്റെ ഫോൺ നമ്പരായി കാണിച്ചത് തന്റേതാണെന്ന് വാഗീശൻ പറയുന്നു.
സിനിമ റിലീസ് ചെയ്തതിന് ശേഷം തന്റെ നമ്പറിലേക്ക് നിരന്തരമായി കോളുകൾ വരുന്നുണ്ടെന്നും അത് തന്റെ സമാധാനം നഷ്ടപ്പെടുത്തിയെന്നും വിദ്യാർഥി പരാതിയിൽ പറയുന്നു. തുടർച്ചയായി കോളുകൾ വരുന്നതിനാൽ പഠിക്കാനോ ഉറങ്ങാനോ കഴിയുന്നില്ലെന്നും മാനസിക ബുദ്ധിമുട്ടുകൾ ഉണ്ടാകുന്നുണ്ടെന്നും അദ്ദേഹം പറഞ്ഞു. ഇതിന് നഷ്ടപരിഹാരമായി 1.1 കോടി രൂപയാണ് വാഗീശൻ ആവശ്യപ്പെട്ടിരിക്കുന്നത്.
രാജ്കുമാർ പെരിയസാമി സംവിധാനം ചെയ്ത അമരനിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് സായി പല്ലവിയും ശിവകാർത്തികേയനുമാണ്. കമൽ ഹാസന്റെ രാജ് കമൽ ബാനറിലാണ് സിനിമയുടെ നിർമാണം. സിനിമയിൽ തന്റെ വ്യക്തിഗത നമ്പർ ഉപയോഗിച്ചതിനാൽ നിരവധി കോളുകളാണ് തന്റെ ഫോണിലേക്ക് വരുന്നതെന്ന് വാഗീശൻ പറഞ്ഞു.
Story Highlights: Engineering student sends legal notice to ‘Amaran’ movie producers for using personal phone number, demands compensation.
