Kerala's Winning Start in Santosh Trophy: Defeats Railways 1-0

സന്തോഷ് ട്രോഫി ഫുട്ബോളിൽ കേരളത്തിന് വിജയത്തുടക്കം. കോഴിക്കോട് നടന്ന പ്രാഥമിക റൗണ്ടിലെ ആദ്യ മത്സരത്തിൽ കേരളം എതിരില്ലാത്ത ഒരു ഗോളിന് റെയിൽവേസിനെ പരാജയപ്പെടുത്തി. ഗോൾരഹിതമായ ഒന്നാം പകുതിക്ക് ശേഷം രണ്ടാം പകുതിയിലാണ് കേരളത്തിൻ്റെ വിജയഗോൾ പിറന്നത്. 71-ാം മിനിട്ടിൽ നിജോ ഗിൽബർട്ടിൻ്റെ അസിസ്റ്റിൽ പകരക്കാരനായി ഇറങ്ങിയ മുഹമ്മദ് അജ്സലാണ് കേരളത്തിനായി വിജയ ഗോൾ നേടിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആദ്യ പകുതി വിരസമായിരുന്നെങ്കിലും രണ്ടാം പകുതിയിൽ ഇരു ടീമുകളും ആക്രമിച്ചാണ് കളിച്ചത്. അവസരങ്ങൾ സൃഷ്ടിക്കുന്നതിൽ ഇരു ടീമുകളും ഒപ്പത്തിനൊപ്പം നിന്നു. എന്നാൽ ഫിനിഷിങിലെ പോരായ്മയാണ് റെയിൽവേസിന് തിരിച്ചടിയായത്. ആദ്യ മത്സരമെന്ന സമ്മർദ്ദം മറികടന്ന് നേടിയ ജയം വരും മത്സരങ്ങൾക്ക് മുതൽക്കൂട്ടാവുമെന്ന് കേരള ടീമിൻ്റെ പരിശീലകൻ ബിബി തോമസ് മുട്ടത്ത് പറഞ്ഞു.

ആദ്യ ജയത്തോടെ സന്തോഷ് ട്രോഫിയിലെ ഫൈനൽ റൗണ്ട് സാധ്യതകൾ കേരളം സജീവമാക്കി. ഗ്രൂപ്പ് H ൽ വെള്ളിയാഴ്ച നടക്കുന്ന രണ്ടാം മത്സരത്തിൽ കേരളം ലക്ഷദ്വീപിനെ നേരിടും. ഞായറാഴ്ച പുതുച്ചേരിയാണ് കേരളത്തിൻ്റെ എതിരാളികൾ.

കോഴിക്കോട് വീണ്ടും അമീബിക് മസ്തിഷ്കജ്വരം; ജാഗ്രതാ നിർദ്ദേശവുമായി ആരോഗ്യവകുപ്പ്

ALSO READ: ബിജെപി – കോൺഗ്രസ് ഡീൽ തെരഞ്ഞെടുപ്പ് ദിവസവും വ്യക്തമായി; ഷാഫിക്ക് ഇനി വടകരയിലേക്ക് വണ്ടി കയറാം: ഇഎൻ സുരേഷ് ബാബു

Story Highlights: Kerala wins opening match in Santosh Trophy football against Railways with a 1-0 victory in Kozhikode.

അമീബിക് മസ്തിഷ്കജ്വരം: കോഴിക്കോട് അതീവ ജാഗ്രതയിൽ; മൂന്ന് മാസം പ്രായമുള്ള കുഞ്ഞിന്റെ നില ഗുരുതരം