Rahul Mamkootathil on Palakkad By-election: Voter Sentiments Revealed

പാലക്കാട് ഉപതെരഞ്ഞെടുപ്പ് വോട്ടെടുപ്പിൽ ശുഭപ്രതീക്ഷയിലാണെന്ന് രാഹുൽ മാങ്കൂട്ടത്തിൽ പ്രതികരിച്ചു. മണപ്പുള്ളിക്കാവ് ക്ഷേത്രത്തിൽ ദർശനം നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പൊതുജീവിതത്തിലും വ്യക്തിജീവിതത്തിലും വളരെ പ്രധാനപ്പെട്ട ദിവസമാണിതെന്ന് രാഹുൽ പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബിജെപിയുടെ ശക്തികേന്ദ്രങ്ങളിൽ പോയപ്പോൾ അവിടെയുള്ള ധാരാളം വോട്ടർമാർ ഇത്തവണ തങ്ങൾ വോട്ട് ചെയ്യില്ലെന്നും ബിജെപിക്ക് വോട്ട് ചെയ്യാൻ കാരണമില്ലെന്നും പറഞ്ഞിരുന്നതായി രാഹുൽ വെളിപ്പെടുത്തി. സെക്യുലർ വോട്ടുകൾ കൃത്യമായി പോൾ ചെയ്യപ്പെടുമെന്നും, മറ്റ് പാർട്ടികളുടെ വോട്ടുകൾ കൃത്യമായി ചെയ്യിക്കാൻ പറ്റിയില്ലെങ്കിൽ മാത്രമേ പോളിങ് കുറയൂവെന്നും അദ്ദേഹം വ്യക്തമാക്കി. ബൂത്തുകളിലെ നീണ്ട ക്യൂ കാണുന്നത് തന്നെ ആത്മവിശ്വാസം വർധിപ്പിക്കുന്നുവെന്നും അദ്ദേഹം കൂട്ടിച്ചേർത്തു.

ജനങ്ങളെ സ്വാധീനിക്കുന്നത് വികസനമാണെന്നും അനാവശ്യ വിവാദമുണ്ടാക്കി ചർച്ചകളെ മാറ്റിയതും ജനങ്ങളെ വലിയ രീതിയിൽ സ്വാധീനിക്കുമെന്നും രാഹുൽ അഭിപ്രായപ്പെട്ടു. വികസനവുമായി ബന്ധപ്പെട്ട തുറന്ന ചർച്ചയ്ക്ക് താൻ തയാറായില്ലെന്ന സരിന്റെ വിമർശനത്തിന് മറുപടിയായി, പൊതു സംവാദത്തിന് തന്നെയാരും ക്ഷണിച്ചിട്ടില്ലെന്നും തെരഞ്ഞെടുപ്പ് അടുക്കുമ്പോഴെങ്കിലും സത്യം പറയണമെന്നും രാഹുൽ പ്രതികരിച്ചു.