NDA candidate C Krishnakumar slams Sandeep Varier, warns UDF

പാലക്കാട് എൻഡിഎ സ്ഥാനാർത്ഥി സി കൃഷ്ണകുമാർ ബിജെപി വിട്ട് കോൺഗ്രസിൽ ചേർന്ന സന്ദീപ് വാര്യർക്കെതിരെ രൂക്ഷ വിമർശനം ഉന്നയിച്ചു. വേലിയിൽ കിടക്കുന്ന പാമ്പിനെ എടുത്ത് യുഡിഎഫ് തോളത്ത് വെച്ചിരിക്കുകയാണെന്നും, ഇത് കനത്ത തിരിച്ചടിക്ക് കാരണമാകുമെന്നും അദ്ദേഹം പറഞ്ഞു. യുഡിഎഫിന്റെ പരമ്പരാഗത വോട്ടുകൾ പോലും പാലക്കാട് ചോരുമെന്നും കൃഷ്ണകുമാർ മുന്നറിയിപ്പ് നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൽഡിഎഫിന്റെ പത്ര പരസ്യത്തിലൂടെ ന്യൂനപക്ഷ വോട്ടുകൾ നേടാനാണ് സിപിഐഎം ശ്രമിക്കുന്നതെന്നും, എന്നാൽ ഇത് യുഡിഎഫിന് തിരിച്ചടിയാകുമെന്നും സി കൃഷ്ണകുമാർ വ്യക്തമാക്കി. എല്ലാ ആളുകളെയും എടുക്കുന്നതിനു മുൻപ് അവരെക്കുറിച്ച് ജനങ്ങളുടെ മനസ്സിൽ എങ്ങനെയാണെന്ന ബോധ്യം വേണമെന്നും അദ്ദേഹം ആരോപിച്ചു.

അതേസമയം, സന്ദീപ് വാരിയരുടെ പാണക്കാട് സന്ദർശനം മുസ്ലിം ലീഗിന് തടയാമായിരുന്നുവെന്ന് മന്ത്രി മുഹമ്മദ് റിയാസ് ആരോപിച്ചു. വർഗീയ ധ്രുവീകരണം സൃഷ്ടിക്കാനുള്ള ബിജെപി ശ്രമങ്ങൾക്ക് സഹായകരമാണ് പാണക്കാട്ടെ സന്ദർശനമെന്നും, ആർഎസ്എസിന്റെ ദീർഘകാല അജണ്ടകൾക്ക് സഹായകമാകുന്നതാണ് ലീഗ് എടുക്കുന്ന നിലപാടെന്നും മന്ത്രി വിമർശിച്ചു. വിഷം തുപ്പുന്ന പ്രസംഗം നടത്തിയ വ്യക്തിക്ക് വിശുദ്ധിയുടെ സർട്ടിഫിക്കറ്റ് നൽകുന്ന കേന്ദ്രമാക്കി മാറ്റാനുള്ള ശ്രമമാണ് നടന്നതെന്നും അദ്ദേഹം കുറ്റപ്പെടുത്തി.

പാലക്കാട് സ്റ്റേഡിയത്തിൽ ബസ് ജീവനക്കാരന് കുത്തേറ്റു; ഒരാൾ കസ്റ്റഡിയിൽ

Story Highlights: NDA candidate C Krishnakumar criticizes Sandeep Varier for joining Congress, warns of UDF setback in Palakkad

പേരാമ്പ്ര സംഘർഷം: പൊലീസുകാർക്ക് നേരെ സ്ഫോടകവസ്തു എറിഞ്ഞ കേസിൽ യുഡിഎഫ് പ്രവർത്തകർക്കെതിരെ എഫ്ഐആർ