Mammootty-Mohanlal film begins shooting in Colombo, viral selfie

മലയാള സിനിമയിലെ രണ്ട് മഹാതാരങ്ങളായ മമ്മൂട്ടിയും മോഹൻലാലും നായകരായി അഭിനയിക്കുന്ന മഹേഷ് നാരായണൻ സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം ഇന്നലെ ശ്രീലങ്കയിലെ കൊളംബോയിൽ ആരംഭിച്ചു. മോഹൻലാൽ രണ്ടു ദിവസം മുൻപേ കൊളംബോയിലെത്തിയിരുന്നു. എന്നാൽ മമ്മൂട്ടി, കുഞ്ചാക്കോ ബോബൻ, ആന്റണി പെരുമ്പാവൂർ എന്നിവർ ഇന്നലെയാണ് കൊച്ചിയിൽ നിന്ന് കൊളംബോയിലെത്തിയത്. ഇവരെല്ലാം ഒരേ ഹോട്ടലിലാണ് താമസിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുഞ്ചാക്കോ ബോബൻ തന്റെ സോഷ്യൽ മീഡിയ അക്കൗണ്ടിൽ മമ്മൂട്ടിക്കും മോഹൻലാലിനുമൊപ്പമുള്ള ഒരു സെൽഫി പങ്കുവച്ചു. “മലയാളത്തിന്റെ ബിഗ് എംസിനൊപ്പം” എന്ന തലക്കെട്ടോടെയാണ് അദ്ദേഹം ചിത്രങ്ങൾ പോസ്റ്റ് ചെയ്തത്. ഒരു ചിത്രത്തിൽ മോഹൻലാലിന്റെ തോളിൽ കയ്യിട്ട് ചേർത്തുപിടിച്ചിരിക്കുന്ന മമ്മൂട്ടിയെയും, മറ്റ് രണ്ട് ചിത്രങ്ങളിൽ ഇരുവർക്കുമൊപ്പം കുഞ്ചാക്കോ ബോബനെയും കാണാം. ഈ സെൽഫി ഇപ്പോൾ സാമൂഹിക മാധ്യമങ്ങളിൽ വൈറലായിരിക്കുകയാണ്.

മാലിക് എന്ന ചിത്രത്തിനുശേഷം മഹേഷ് നാരായണൻ സംവിധാനം ചെയ്യുന്ന ഈ ചിത്രത്തിൽ കുഞ്ചാക്കോ ബോബനും ഒരു പ്രധാനവേഷത്തിലുണ്ട്. ഇനിയും പേരിട്ടിട്ടില്ലാത്ത ഈ ചിത്രം മലയാളത്തിലെ ഏറ്റവും ചിലവേറിയ ചിത്രമായി വിശേഷിപ്പിക്കപ്പെടുന്നു. നേരത്തേ കൊളംബോയിൽ പോകാനായി കൊച്ചിയിലെത്തിയ മമ്മൂട്ടി, കുഞ്ചാക്കോ ബോബൻ, ആന്റണി പെരുമ്പാവൂർ, മമ്മൂട്ടിയുടെ ഭാര്യ സുൽഫത്ത്, ജോർജ് എന്നിവരുടെ ഒരു ചിത്രവും ആന്റണി പെരുമ്പാവൂർ പുറത്തുവിട്ടിരുന്നു.

മമ്മൂട്ടി ചിത്രം സാമ്രാജ്യം 4K ഡോൾബി അറ്റ്മോസ് പതിപ്പിൽ വീണ്ടും തിയേറ്ററുകളിലേക്ക്

Story Highlights: Mammootty and Mohanlal star in Mahesh Narayanan’s new film, shooting begins in Colombo

‘ലോക’ ആഗോള ബോക്സ് ഓഫീസിൽ കൊടുങ്കാറ്റ്; 11 ദിവസം കൊണ്ട് നേടിയത് 186 കോടി