SNDP forms human chain supporting Munambam land dispute protesters

മുനമ്പം വഖഫ് ഭൂമി തർക്കത്തിൽ സമരക്കാർക്ക് പിന്തുണ പ്രഖ്യാപിച്ച് എസ്എൻഡിപി യോഗം മനുഷ്യച്ചങ്ങല സംഘടിപ്പിച്ചു. ചെറായി ബീച്ച് മുതൽ മുനമ്പത്തെ സമര പന്തൽ വരെയാണ് മനുഷ്യച്ചങ്ങല നീണ്ടത്. എറണാകുളം ജില്ലയുടെ വിവിധ ഭാഗങ്ങളിൽ നിന്നുള്ള നിരവധി ആളുകൾ ഇതിൽ പങ്കെടുത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സമരത്തിന്റെ 36-ാം ദിവസമാണ് എസ്എൻഡിപി യോഗം ഈ മനുഷ്യച്ചങ്ങല സംഘടിപ്പിച്ചത്. തീരദേശ മേഖലയിലെ 600-ഓളം കുടുംബങ്ങളുടെ ചെറുത്തുനിൽപ്പിന് പിന്തുണയേകുന്നതിന്റെ ഭാഗമായാണിത്. സമരത്തിൽ പങ്കെടുക്കുന്നവർ ഇത് നീതിക്കു വേണ്ടിയുള്ള പോരാട്ടമാണെന്നും ശാശ്വത പരിഹാരം ഉണ്ടാകുമെന്നും പ്രതീക്ഷ പ്രകടിപ്പിച്ചു. മനുഷ്യച്ചങ്ങലയ്ക്ക് ശേഷം ചെറായി ക്ഷേത്ര മൈതാനിയിൽ നടക്കുന്ന സമ്മേളനം തുഷാർ വെള്ളാപ്പള്ളി ഉദ്ഘാടനം ചെയ്യും.

ഒക്ടോബർ 13-നാണ് പ്രദേശവാസികൾ റിലേ നിരാഹാര സമരം ആരംഭിച്ചത്. ബിജെപി ഉൾപ്പടെയുള്ള രാഷ്ട്രീയ പാർട്ടികൾ സമരത്തിന് പിന്തുണ നൽകിയിട്ടുണ്ട്. അതേസമയം, മുനമ്പത്ത് ഭൂമി തർക്കത്തിൽ വഖഫ് അവകാശവാദത്തെ സമസ്ത എ പി വിഭാഗം മുഖപത്രം സിറാജ് അനുകൂലിച്ചു. വഖഫ് ഭൂമി വിൽപ്പന നടത്തിയത് ക്രിമിനൽ ഗൂഢാലോചനയാണെന്നും മുസ്ലിം കോഡിനേഷൻ കമ്മിറ്റിയുടെ നീക്കങ്ങളെ സംശയത്തോടെ കാണുന്നുവെന്നും സിറാജിലെ മുഖപ്രസംഗം വിമർശിച്ചു. മത സാമുദായിക വ്യത്യാസമില്ലാതെ മുനമ്പം ജനതയുടെ ഭൂസംരക്ഷണ സമരത്തിന് ഐക്യദാർഢ്യം ഏറി വരുന്ന സാഹചര്യത്തിലാണ് ഈ മുഖപ്രസംഗം ചർച്ചയാകുന്നത്.

ഭൂമി തർക്കങ്ങളിൽ റവന്യൂ വകുപ്പിന് അധികാരമില്ല; സിവിൽ കോടതിയെ സമീപിക്കാമെന്ന് മനുഷ്യാവകാശ കമ്മീഷൻ

Story Highlights: SNDP organizes human chain in solidarity with Munambam land dispute protesters