Sookshmadarshini Trailer: Basil Joseph and Nazriya Nazim's New Film

പ്രേക്ഷകർ ഏറെ കാത്തിരുന്ന ‘സൂക്ഷ്മദര്ശിനി’ എന്ന ചിത്രത്തിന്റെ ട്രെയിലർ പുറത്തിറങ്ങി. ബേസിൽ ജോസഫും നസ്രിയ നസീമും കേന്ദ്ര കഥാപാത്രങ്ങളായി എത്തുന്ന ഈ ചിത്രം എംസി ആണ് സംവിധാനം ചെയ്യുന്നത്. അയൽക്കാരായ മാനുവലിന്റെയും പ്രിയദർശിനിയുടെയും കഥ പറയുന്ന ട്രെയ്ലർ ആദ്യം രസകരമായി തുടങ്ങി പിന്നീട് സീരിയസ് ടോണിലേക്ക് മാറുന്നതാണ് കാണാൻ കഴിയുന്നത്. നവംബർ 22ന് തിയറ്ററുകളിൽ ചിത്രം റിലീസ് ചെയ്യും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നസ്രിയ അവതരിപ്പിക്കുന്നത് അയൽക്കാരിയുടെ കഥാപാത്രമാണ്. അൽപം ദുരൂഹത നിറഞ്ഞ ബേസിലിന്റെ കഥാപാത്രത്തെ നിരീക്ഷിക്കുന്ന വേഷമാണ് അവർക്ക്. “നിങ്ങളുടെ അയൽക്കാരെ നിങ്ങൾക്ക് എത്ര നന്നായി അറിയാം?” എന്ന ചോദ്യവും ട്രെയിലറിൽ ഉൾപ്പെടുത്തിയിട്ടുണ്ട്. ഹാപ്പി ഹവേർസ് എന്റർടെയ്ൻമെന്റ്സും എവിഎ പ്രൊഡക്ഷൻസും ചേർന്നാണ് ചിത്രം നിർമ്മിക്കുന്നത്. സമീർ താഹിർ, ഷൈജു ഖാലിദ്, എവി അനൂപ് എന്നിവരാണ് നിർമ്മാതാക്കൾ. ലിബിനും അതുലും ചേർന്നാണ് തിരക്കഥ രചിച്ചിരിക്കുന്നത്. ക്രിസ്റ്റോ സേവ്യറാണ് സംഗീതം ഒരുക്കുന്നത്.

നസ്രിയയും ബേസിലും ആദ്യമായി നായികാനായകന്മാരായി ഒന്നിക്കുന്ന ഈ ചിത്രത്തിൽ നിരവധി പ്രമുഖ താരങ്ങൾ അണിനിരക്കുന്നുണ്ട്. ദീപക് പറമ്പോല്, സിദ്ധാർത്ഥ് ഭരതൻ, കോട്ടയം രമേശ്, അഖില ഭാർഗവൻ, പൂജ മോഹൻരാജ്, മെറിൻ ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപൻ മങ്ങാട്, ജയ കുറുപ്പ്, റിനി ഉദയകുമാർ, ജെയിംസ്, നൗഷാദ് അലി, അപർണ റാം, സരസ്വതി മേനോൻ, അഭിറാം രാധാകൃഷ്ണൻ തുടങ്ങിയവർ പ്രധാന വേഷങ്ങളിൽ എത്തുന്നു. ശരൺ വേലായുധൻ ഛായാഗ്രഹണം നിർവഹിക്കുന്ന ഈ ചിത്രത്തിന്റെ എഡിറ്റിംഗ് ചമൻ ചാക്കോ ആണ് നിർവഹിക്കുന്നത്. ഭാവന റിലീസ് ആണ് ചിത്രം വിതരണം ചെയ്യുന്നത്.

വിസ്മയ മോഹൻലാൽ സിനിമയിലേക്ക്; 'തുടക്കം' ടൈറ്റിൽ പോസ്റ്റർ പുറത്ത്

Story Highlights: Trailer for ‘Sookshmadarshini’ starring Basil Joseph and Nazriya Nazim released, directed by MC, set to hit theaters on November 22

ആദ്യമായി കാണുന്നത് അനൂപ് മേനോനെ; സിനിമാ ജീവിതത്തിലെ മനോഹര നിമിഷങ്ങളെക്കുറിച്ച് ധ്യാൻ ശ്രീനിവാസൻ