Devdutt Padikkal may play in Border-Gavaskar Trophy Test series

ഓസ്ട്രേലിയയ്ക്കെതിരായ ബോര്ഡര് ഗവാസ്കര് ട്രോഫി ടെസ്റ്റ് പരമ്പരയില് കെഎല് രാഹുലിനും ശുഭ്മാന് ഗില്ലിനും പരുക്കേറ്റതിനെ തുടര്ന്ന് കര്ണാടകയ്ക്ക് വേണ്ടി കളിക്കുന്ന മലയാളി താരം ദേവ്ദത്ത് പടിക്കല് മത്സരിക്കുമെന്ന് റിപ്പോര്ട്ടുകള് പുറത്തുവരുന്നു. ഇന്ത്യ എ ടീമിന്റെ ഭാഗമായി ഓസ്ട്രേലിയയില് എത്തിയ ദേവ്ദത്തിനോട് തുടരാന് ബിസിസിഐ നിര്ദേശിച്ചതായാണ് വിവരം. ഓപ്പണിങ്ങില് യശ്വസി ജയ്സ്വാളിനൊപ്പം ആര് ഇറങ്ങുമെന്ന കാര്യത്തില് ആശയക്കുഴപ്പം തുടരുന്നതിനാലാണ് ഈ നീക്കം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വെള്ളിയാഴ്ച ആരംഭിക്കുന്ന പരമ്പരയിലെ ആദ്യമത്സരത്തില് ക്യാപ്റ്റന് രോഹിത് ശര്മ കളിക്കാത്തതിനാല് ഗില്-ജയ്സ്വാള് കോംബോ ഇന്നിങ്ങ്സ് ഓപ്പണ് ചെയ്യുമെന്നായിരുന്നു നേരത്തെയുള്ള വിവരം. എന്നാല് ഗില്ലിന്റെ ഇടത് കൈവിരലിന് പരുക്കേറ്റതും കെഎല് രാഹുലിന് മത്സരത്തിനിടെ പ്രസിദ്ധ് കൃഷ്ണയുടെ പന്തുകൊണ്ട് പരുക്കേറ്റതും പുതിയ പ്രശ്നങ്ങള് സൃഷ്ടിച്ചു.

സയിദ് മുഷ്താഖ് അലി ട്രോഫിക്കുള്ള കര്ണാടക ടീമിലടക്കം ഇടംപിടിച്ച ദേവ്ദത്ത് ഇന്ത്യ എ ടീമിനായി നാല് ഇന്നിങ്ങ്സുകളില് ബാറ്റ് ചെയ്തിരുന്നു. ട്രാവലിംഗ് റിസര്വുകളായി മൂന്നു പേസര്മാരുമായാണ് ഇന്ത്യ ഓസ്ട്രേലിയയിലേക്ക് പോയത്. ഈ സാഹചര്യത്തിലാണ് ദേവ്ദത്തിന് അവസരം ലഭിക്കാന് സാധ്യതയുള്ളത്.

ഹെർണിയ ശസ്ത്രക്രിയക്ക് സൂര്യകുമാർ യാദവ് ജർമ്മനിയിൽ; കളിക്കളത്തിലേക്ക് മടങ്ങിവരവിനായി കാത്തിരിക്കുന്നു

Story Highlights: Devdutt Padikkal likely to play in Border-Gavaskar Trophy Test series against Australia due to injuries to KL Rahul and Shubman Gill

ഹെഡിംഗ്ലി ടെസ്റ്റ്: ഋഷഭ് പന്തിന് കരിയർ ബെസ്റ്റ് റാങ്കിങ്; ഗില്ലിനും രാഹുലിനും സ്ഥാനക്കയറ്റം