Sandeep Warrier mocks BJP, joins UDF campaign in Palakkad

പാലക്കാട് നടന്ന യുഡിഎഫ് റോഡ് ഷോയില് പങ്കെടുത്ത് സന്ദീപ് വാര്യര് തെരഞ്ഞെടുപ്പ് പ്രചാരണത്തിന് തുടക്കം കുറിച്ചു. കോണ്ഗ്രസ് പ്രവര്ത്തകര് സന്ദീപിനെ തോളിലേറ്റി സ്വീകരിച്ചു. രാഹുല് മാങ്കൂട്ടത്തിനൊപ്പം തുറന്ന വാഹനത്തില് റോഡ് ഷോയുടെ ആദ്യാവസാനം പ്രവര്ത്തകരെ അഭിവാദ്യം ചെയ്ത് സന്ദീപും ചേര്ന്നു. വരും ദിവസങ്ങളില് തെരഞ്ഞെടുപ്പ് പ്രചാരണത്തില് മുഴുവന് സമയവും സന്ദീപ് പങ്കെടുക്കുമെന്ന് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘ബാലന്’ സിനിമയുടെ കാലത്ത് നിന്ന് വണ്ടി കിട്ടാത്തവര് ഇപ്പോഴും ബിജെപി ഓഫീസില് ഉണ്ടെന്ന് പരിഹസിച്ച് സന്ദീപ് വാര്യര് പ്രതികരിച്ചു. തന്നെ സ്വീകരിക്കാന് എത്തിയത് ബഹുസ്വരതയുടെ ആള്കൂട്ടമാണെന്നും സന്ദീപ് ട്വന്റിഫോറിനോട് പറഞ്ഞു. നിങ്ങളില് ഒരുവനായി താന് ഉണ്ടാവുമെന്ന് സന്ദീപ് പ്രവര്ത്തകരോട് ഉറപ്പ് നല്കി. തനിക്ക് കോണ്ഗ്രസ് നല്കിയത് വലിയ കസേര അല്ല, ഹൃദയത്തില് വലിയ ഇടമാണെന്നും സന്ദീപ് വ്യക്തമാക്കി.

രാത്രി ഇരുട്ടി വെളുത്തപ്പോള് സ്ഥാനാര്ഥി ആകാനല്ല സന്ദീപ് വാര്യര് വന്നതെന്ന് രാഹുല് മാങ്കൂട്ടത്തില് പ്രതികരിച്ചു. സന്ദീപ് വാര്യര് ഒരു തുടക്കം മാത്രമാണെന്നും ഇനിയും ആളുകള് വരുമെന്നും രാഹുല് കൂട്ടിച്ചേര്ത്തു. കോണ്ഗ്രസ് പ്രവേശത്തിന് പിന്നാലെ പാലക്കാട് യുഡിഎഫ് പ്രചരണത്തില് സന്ദീപ് വാര്യര് സജീവമായി പങ്കെടുക്കുന്നുണ്ട്.

പേരാമ്പ്രയിൽ യുഡിഎഫ്-എൽഡിഎഫ് സംഘർഷം; ഷാഫി പറമ്പിലിന് പരിക്ക്

Story Highlights: Sandeep Warrier mocks BJP, joins UDF campaign in Palakkad

യൂത്ത് കോൺഗ്രസ് മണ്ഡലം പ്രസിഡന്റ് സിപിഐഎമ്മിൽ ചേർന്നു; വി.ഡി. സതീശനെതിരെ ആരോപണം