BlueSkys Operations Disrupted as Users Flock After Trump's Victory

സോഷ്യൽ മീഡിയ പ്ലാറ്റ്ഫോമായ ‘ബ്ലൂസ്കൈ’യുടെ പ്രവർത്തനം ആഗോളതലത്തിൽ തടസ്സപ്പെട്ടു. ഉപയോക്താക്കളുടെ അനിയന്ത്രിതമായ വരവിനെ തുടർന്നാണ് ഇത് സംഭവിച്ചത്. അമേരിക്കൻ പ്രസിഡന്റ് തെരഞ്ഞെടുപ്പിൽ ഡോണൾഡ് ട്രംപ് വിജയിച്ചതോടെ നിരവധി അമേരിക്കക്കാർ എക്സ് പ്ലാറ്റ്ഫോം ഉപേക്ഷിച്ച് ബ്ലൂസ്കൈയിലേക്ക് മാറിയിരുന്നു. ഇതോടെയാണ് ആപ്പിന്റെ പ്രവർത്തനത്തിൽ തടസ്സം നേരിട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇലോൺ മസ്ക് ട്രംപിൻ്റെ കാബിനറ്റിൽ സ്ഥാനം ഉറപ്പിച്ചതും എക്സിലെ സേവന നിബന്ധനകളിൽ ഉണ്ടായ മാറ്റവും കാരണം ധാരാളം ഉപയോക്താക്കൾ ബ്ലൂസ്കൈയിലേക്ക് മാറി. നിലവിൽ 16 ദശലക്ഷത്തോളം ഉപയോക്താക്കളാണ് ഈ പ്ലാറ്റ്ഫോം ഉപയോഗിക്കുന്നത്. ബിസിനസ് ഇൻസൈഡറിന്റെ റിപ്പോർട്ട് പ്രകാരം ഈ ആഴ്ച ആപ്പ് സ്റ്റോറിൽ നിന്നും ഏറ്റവും കൂടുതൽ ഉപയോക്താക്കളെ സ്വന്തമാക്കിയ പ്ലാറ്റ്ഫോമായി ബ്ലൂസ്കൈ മാറി.

ALSO READ; അയ്യയ്യോ! കട്ടിപ്പണിക്കും കാശില്ലേ? ട്രംപിന് വേണ്ടിയുള്ള മസ്കിന്റെയും വിവേകിന്റെയും സേവനത്തിന് ശമ്പളമില്ല

മസ്കിന്റെ എക്സിന് ഏകദേശം 317 മില്യൺ ഉപയോക്താക്കളുണ്ടെങ്കിലും, പ്രമുഖ ഹോളിവുഡ് താരങ്ങൾ അടക്കം ഇപ്പോൾ ബ്ലൂസ്കൈയിലേക്ക് മാറിയിട്ടുണ്ട്. 2019-ൽ ജാക്ക് ഡോർസി രൂപകല്പന ചെയ്ത ഈ പ്ലാറ്റ്ഫോം 2021-ൽ ഔദ്യോഗികമായി ലോഞ്ച് ചെയ്തു. 2023-ൽ പൊതുജനങ്ങൾക്കായി തുറന്നുകൊടുത്ത ശേഷം, എക്സിനൊരു ബദലായി ബ്ലൂസ്കൈ മാറിക്കഴിഞ്ഞു.

ഇന്ത്യാ-പാക് വെടിനിർത്തലിനെ പ്രശംസിച്ച് ട്രംപ്

Story Highlights: BlueSkys global operations disrupted due to influx of users following Trump’s victory and changes in X’s terms of service

ദക്ഷിണാഫ്രിക്കയെക്കുറിച്ചുള്ള ഇലോൺ മസ്കിന്റെ പ്രസ്താവന വിവാദത്തിൽ