കുവൈത്തിന്റെ പരിഷ്‌കരിച്ച പുതിയ ഔദ്യോഗിക ലോഗോ കുവൈത്ത് വാര്‍ത്താവിനിമയമന്ത്രാലയം പുറത്തിറക്കി. കുവൈത്ത് മന്ത്രിസഭാ യോഗത്തിന്റെ തീരുമാനത്തിന്റെ അടിസ്ഥാനത്തിലാണ് രാജ്യത്തിന്റെ ഔദ്യോഗിക ലോഗോ പരിഷ്‌കരിച്ചത്. കുവൈത്തിന്റെ ദേശീയ നിറമായ നീല കളറിൽ ആണ് പുതിയ ലോഗോ രൂപകല്പന നിര്‍വഹിച്ചിരിക്കുന്നത്. സ്വദേശി ഗ്രാഫിക് ഡിസൈനര്‍ മുഹമ്മദ് ഷറഫ് ആണ് കുവൈത്തിന്റെ പുതിയ ലോഗോ രൂപകല്പന ചെയ്തത്.
പുതിയ ലോഗോയോടൊപ്പം അതുപയോഗിക്കാനുള്ള മാര്‍ഗരേഖയും മന്ത്രാലയം പ്രസിദ്ധീകരിച്ചു. കുവൈത്തിന്റെ സ്വത്വവും ചരിത്രവും പ്രതിഫലിപ്പിക്കുന്നതാണ് പുതിയ ലോഗോ എന്ന് മന്ത്രാലയം അറിയിച്ചു. ഇതോടൊപ്പം പുറത്തിറക്കിയ മാർഗരേഖയില്‍ കുവൈത്തിന്റെ സാംസ്‌കാരിക പ്രാധാന്യവും വിശദീകരിക്കുന്നുണ്ട്.
സര്‍ക്കാറിന്റെ എല്ലാ ഔദ്യോഗിക ഇടപാടുകളിലും വെബ്‌സൈറ്റുകളിലും ഇനി മുതല്‍ പുതിയ ലോഗോ ഉപയോഗിക്കും. ഈ നടപടിയിലൂടെ കുവൈത്തിന്റെ ദേശീയ അടയാളം കൂടുതൽ ശക്തമാക്കുകയും ഏകീകൃതമാക്കുകയും ചെയ്യുന്നു. പുതിയ ലോഗോ രാജ്യത്തിന്റെ ആധുനിക മുഖം പ്രതിഫലിപ്പിക്കുന്നതോടൊപ്പം തന്നെ അതിന്റെ സമ്പന്നമായ പാരമ്പര്യവും ഉൾക്കൊള്ളുന്നു.
Story Highlights: Kuwait unveils new official logo in national blue color, designed by local graphic designer Mohammed Sharaf
