Kerala Minister Addresses Seaplane Project Concerns, Assures No Impact

സീ പ്ലെയിൻ പദ്ധതിയുമായി ബന്ധപ്പെട്ട ആശങ്കകൾ ദൂരീകരിക്കുമെന്ന് ഫിഷറീസ് വകുപ്പ് മന്ത്രി സജി ചെറിയാൻ പ്രസ്താവിച്ചു. മത്സ്യത്തൊഴിലാളികളെ ബാധിക്കുന്ന നടപടികൾ സർക്കാരിന്റെ ഭാഗത്തുനിന്ന് ഉണ്ടാകില്ലെന്ന് അദ്ദേഹം ഉറപ്പു നൽകി. മുൻപ് മത്സ്യബന്ധനത്തിന് തടസ്സം വരുന്നതിനാലാണ് സിഐടിയു അടക്കമുള്ള സംഘടനകൾ സമരം നടത്തിയതെന്നും, എന്നാൽ ഇപ്പോൾ പദ്ധതി നടപ്പിലാക്കുന്നത് മത്സ്യബന്ധന മേഖലയിൽ അല്ലെന്നും മന്ത്രി വ്യക്തമാക്കി. ടൂറിസം പ്രമോഷൻ നാടിന്റെ ആവശ്യമാണെന്നും എല്ലാവരെയും വിശ്വാസത്തിലെടുത്ത് പദ്ധതി നടപ്പിലാക്കുമെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, സീ പ്ലെയിനെ ചൊല്ലിയുള്ള തർക്കത്തിന് അറുതിയില്ല. മാട്ടുപ്പെട്ടി റിസർവോയറിലെ ലാൻഡിങ്ങിന് എതിരെ വനം വകുപ്പ് രംഗത്തെത്തി. മൂന്ന് ദേശീയ ഉദ്യാനങ്ങൾ ഉള്ള സ്ഥലത്ത് കാട്ടാനകളുടെ സാന്നിധ്യം കൂടുതലാണെന്നും, സീപ്ലെയിൻ പറന്നിറങ്ങുമ്പോൾ ആനകളുടെ ആവാസവ്യവസ്ഥയെ ബാധിക്കുമെന്നും വനംവകുപ്പ് ചൂണ്ടിക്കാട്ടി. ദേശീയ വന്യജീവി ബോർഡിന്റെ അനുമതിയോടെ മാട്ടുപ്പെട്ടി ഡാമിനോട് ചേർന്ന് മറ്റൊരിടത്ത് വിമാനമിറക്കാമെന്നും വനം വകുപ്പ് നിർദ്ദേശിച്ചു.

സജി ചെറിയാനെ വിമർശിച്ച് ജി. സുധാകരൻ; അറസ്റ്റ് ചെയ്യാൻ പൊലീസ് വരട്ടെ, മുൻകൂർ ജാമ്യമില്ല

കേരളത്തിന്റെ ടൂറിസം കുതിപ്പിന് മുതൽക്കൂട്ടാവുന്ന സീ പ്ലെയിനെതിരെ എൽഡിഎഫിന് അകത്തും രണ്ട് അഭിപ്രായമുണ്ട്. എന്നിരുന്നാലും, എതിർപ്പുകളെ അവഗണിച്ച് പദ്ധതി കൂടുതൽ കരുത്തോടെ മുന്നോട്ടു കൊണ്ടുപോകാനാണ് ടൂറിസം വകുപ്പിന്റെ തീരുമാനം. ഇ പി ജയരാജന്റെ ആത്മകഥ വിഷയത്തിൽ പ്രതികരിച്ച മന്ത്രി, ഇപിയെ പാർട്ടിക്ക് പൂർണ്ണ വിശ്വാസമാണെന്നും, ഇല്ലാത്ത ആത്മകഥയുടെ പേരിലാണ് വ്യാജപ്രചരണം നടക്കുന്നതെന്നും വ്യക്തമാക്കി.

Story Highlights: Fisheries Minister Saji Cherian addresses concerns over seaplane project, assures no impact on fishermen