Idukki Seaplane Project: Forest Department Report Raises Concerns

ഇടുക്കി മാട്ടുപ്പെട്ടിയിൽ സീ പ്ലെയിൻ പറന്നിറങ്ങിയത് അതീവ പരിസ്ഥിതി ലോലമേഖലയിലാണെന്ന് വനം വകുപ്പിൻ്റെ റിപ്പോർട്ട് വ്യക്തമാക്കുന്നു. ഈ പ്രദേശത്ത് സീ പ്ലെയിൻ സർവ്വീസ് നടത്തിയാൽ മനുഷ്യ-മൃഗ സംഘർഷങ്ങൾക്ക് കാരണമാകുമെന്നും റിപ്പോർട്ടിൽ പരാമർശിക്കുന്നു. ദേശീയ വന്യജീവി ബോർഡിൻ്റെ അനുമതിയോടെ മാട്ടുപ്പെട്ടി ഡാമിനോട് ചേർന്ന് മറ്റൊരിടത്ത് വിമാനമിറക്കാമെന്ന് വനം വകുപ്പ് നിര്ദേശിച്ചിട്ടുണ്ട്. ജില്ലാ കളക്ടർക്കാണ് വനം വകുപ്പ് ഈ റിപ്പോർട്ട് നൽകിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കരയിലും വെള്ളത്തിലും പറന്നിറങ്ങാനാവുന്ന ആംഫീബിയൻ വിമാനമാണ് സീപ്ലെയിൻ. കേരളത്തിലെ വിമാനത്താവളങ്ങളും ജലാശയങ്ങളും തമ്മിലുള്ള കണക്ടിവിറ്റി വർധിപ്പിക്കുന്നതാണ് ഈ പദ്ധതിയുടെ ലക്ഷ്യം. സീപ്ലെയിൻ സർവീസ് ആരംഭിക്കുന്നതിലൂടെ ചുരുങ്ങിയ സമയം കൊണ്ട് കേരളത്തിലെ കൂടുതൽ ഡെസ്റ്റിനേഷനുകൾ സന്ദർശിക്കാമെന്ന സാധ്യത വിനോദസഞ്ചാരികൾക്കു മുന്നിൽ അവതരിപ്പിക്കാനാകും.

എന്നാൽ, സീ പ്ലെയിൻ പദ്ധതിക്ക് വീണ്ടും ചിറകുമുളയ്ക്കുമ്പോള് എതിര്പ്പുകളും ഉയര്ന്നു തുടങ്ങിയിട്ടുണ്ട്. ശക്തമായ സമരത്തിലൂടെ ഇല്ലാതായ പദ്ധതി വീണ്ടും തുടങ്ങുന്നത് ഉള്നാടന് മത്സ്യ, കക്കവാരല് തൊഴിലാളികള്ക്ക് എതിരാണെന്ന് മത്സ്യത്തൊഴിലാളി യൂണിയന് (എ.ഐ.ടി.യു.സി.) വിമര്ശിച്ചു. പദ്ധതി നിര്ത്തിവെച്ച് മത്സ്യത്തൊഴിലാളികളുടെ ഉപജീവനമാര്ഗം സംരക്ഷിക്കണമെന്ന് യൂണിയന് ജില്ലാ കമ്മിറ്റി ആവശ്യപ്പെട്ടിട്ടുണ്ട്. സര്ക്കാര് ഇപ്പോൾ വേമ്പനാട്ടുകായലുമായി ബന്ധിപ്പിച്ച് ജലവിമാന സര്ക്യൂട്ടിനുള്ള ആലോചനയിലാണ്.

ഗവർണറുടെ വാഹനം അപകടത്തിൽപ്പെട്ടു

Story Highlights: Forest department report raises concerns over seaplane landing in ecologically sensitive area in Idukki

വളർത്തുനായയെ ഉപദ്രവിച്ചു; ഉടമയ്ക്കെതിരെ കേസ്