കേരള സൂപ്പർ ലീഗ് ഫൈനലിൽ നടന്ന രസകരമായ സംഭവത്തിന്റെ തുടർച്ചയായി സോഷ്യൽ മീഡിയയിൽ തമാശകൾ തുടരുകയാണ്. കാലിക്കറ്റ് എഫ്.സിയും ഫോഴ്‌സാ കൊച്ചിയും തമ്മിലായിരുന്നു മത്സരം. വിജയികൾക്ക് മെഡൽ സമ്മാനിക്കുന്ന ചടങ്ങിൽ ബേസിൽ ജോസഫിനെ ആരും ശ്രദ്ധിക്കാതിരുന്നതിന്റെ വീഡിയോ വൈറലായിരുന്നു. ഈ വീഡിയോയെ ചൊല്ലി സഞ്ജു സാംസണും ടൊവിനോ തോമസും ബേസിലിനെ കളിയാക്കിയിരുന്നു.
ഇപ്പോൾ ബേസിൽ ജോസഫ് ടൊവിനോയ്ക്കും സഞ്ജുവിനും മറുപടി നൽകിയിരിക്കുകയാണ്. “കൈ കിട്ടിയില്ലെങ്കിലും കപ്പ് കിട്ടി ഗയ്സ്” എന്നാണ് അവരെ ടാഗ് ചെയ്ത് ബേസിൽ കുറിച്ചത്. ഈ പോസ്റ്റിന് താഴെ സഞ്ജുവും നസ്രിയയുമുൾപ്പെടെ നിരവധി പേർ കമന്റുകളുമായെത്തി. “മെയിൻ ഫോട്ടോ എവിടെ” എന്ന നസ്രിയയുടെ ചോദ്യത്തിന് “നീയും എന്നെ” എന്ന് ബേസിൽ മറുപടി നൽകി. സഞ്ജു സാംസൺ “ആശംസകൾ പയ്യാ. അടുത്ത തവണ കൈ തരാൻ മലപ്പുറം എഫ്‌സിയുമായി താൻ വരാം” എന്ന് കമന്റ് ചെയ്തു.
ഈയിടെ ടൊവിനോ നിർമിക്കുന്ന ‘മരണമാസ്’ എന്ന ചിത്രത്തിന്റെ പൂജയ്ക്കിടെ ബേസിൽ ടൊവിനോയെ ട്രോളിയിരുന്നു. പൂജാരി ടൊവിനോയ്ക്ക് നേരെ ആരതി കാണിക്കാതെ പോയ സംഭവത്തെ ബേസിൽ കളിയാക്കിയ വീഡിയോ സോഷ്യൽ മീഡിയയിൽ വൈറലായിരുന്നു. ഇതിന് പകരം വീട്ടാനുള്ള അവസരമായിരുന്നു കേരള സൂപ്പർ ലീഗ് ഫൈനലിലെ സംഭവം. ഇങ്ങനെ തുടരുന്ന തമാശകൾ സോഷ്യൽ മീഡിയയിൽ ഏറെ ശ്രദ്ധ നേടുകയാണ്.
View this post on Instagram
Story Highlights: Basil Joseph responds to Tovino Thomas and Sanju Samson’s trolling after Kerala Super League final incident
