സൂര്യ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമായ കങ്കുവയുടെ റിലീസിന് രണ്ട് ദിവസം മാത്രം ബാക്കിനിൽക്കെ, വൻ അഡ്വാൻസ് ബുക്കിങ്ങാണ് സിനിമയ്ക്ക് ലഭിച്ചിരിക്കുന്നത്. ബുക്കിങ് ആരംഭിച്ച് മണിക്കൂറുകൾക്കുള്ളിൽ തന്നെയാണ് ഈ നേട്ടം കൈവരിച്ചത്. കേരളത്തിൽ നിന്ന് മാത്രം ഒരു കോടിയാണ് ചിത്രം അഡ്വാൻസ് ബുക്കിങ്ങിലൂടെ സ്വന്തമാക്കിയത്. നാല് മണിക്കൂർ കൊണ്ടാണ് ഇത്രയധികം ബുക്കിങ് നേടിയത്.
കേരളത്തിൽ മാത്രം 550 സ്ക്രീനുകളിൽ കങ്കുവ പ്രദർശനത്തിനെത്തും. സൂര്യയുടെ കരിയറിലെ ഏറ്റവും വലിയ ഹൈപ്പിലെത്തുന്ന ഈ ചിത്രം സകല റെക്കോഡും തിരുത്തിക്കുറിക്കുമെന്നാണ് അഡ്വാൻസ് ബുക്കിങ്ങിൽ നിന്ന് മനസിലാകുന്നത്. ചിത്രത്തിന്റേതായി പുറത്തിറങ്ങുന്ന ഓരോ അപ്ഡേറ്റും ആരാധകർക്കിടയിൽ വലിയ സന്തോഷവും പ്രതീക്ഷയും നൽകിയിരുന്നു. സൂര്യയുടെ തിരിച്ചുവരവു കൂടിയായിട്ടാണ് പ്രേക്ഷകർ ചിത്രത്തെ കാണുന്നത്.
250 കോടിയിലധികം ബജറ്റിൽ പത്ത് ഭാഷകളിലായാണ് കങ്കുവ പ്രദർശനത്തിനെത്തുന്നത്. ചിത്രത്തിന്റെ ട്രെയ്‌ലറിന് വൻ സ്വീകാര്യതയാണ് ലഭിച്ചത്. സൂര്യക്ക് പുറമെ ബോബി ഡിയോൾ, ദിശാ പഠാനി, റെഡിൻ കിങ്സ്ലി, നട്ടി (നടരാജ സുബ്രഹ്‌മണ്യൻ) തുടങ്ങി വൻ താരനിരയും ചിത്രത്തിലുണ്ട്.
Story Highlights: Suriya’s ‘Kanguva’ receives massive advance bookings, collecting 1 crore from Kerala alone within hours of booking opening.
