Sharafudheen and Aishwarya Lekshmi's 'Hello Mummy' Releasing Nov 21

ഷറഫുദ്ദീൻ നായകനായി എത്തുന്ന പുതിയ ചിത്രം ‘ഹലോ മമ്മി’ നവംബർ 21 മുതൽ തിയറ്ററുകളിലെത്തും. ഫാമിലി എന്റർടൈനറായ ഈ ഫാന്റസി കോമഡി ചിത്രത്തിൽ ഐശ്വര്യ ലക്ഷ്മിയാണ് നായിക. നവാഗതനായ വൈശാഖ് എലൻസ് സംവിധാനം ചെയ്യുന്ന ചിത്രത്തിന്റെ കഥയും തിരക്കഥയും സാൻജോ ജോസഫാണ് കൈകാര്യം ചെയ്തത്. ഹാങ്ങ് ഓവർ ഫിലിംസും എ ആൻഡ് എച്ച് എസ് പ്രൊഡക്ഷനും ചേർന്നാണ് ചിത്രം നിർമ്മിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷറഫുദ്ദീൻ തന്റെ കരിയറിൽ വ്യത്യസ്തമായ വേഷങ്ങൾ കൈകാര്യം ചെയ്തിട്ടുണ്ട്. ‘വരത്തൻ’ എന്ന ചിത്രത്തിൽ ഐശ്വര്യ ലക്ഷ്മിയുടെ വില്ലനായി അഭിനയിച്ച അദ്ദേഹം, ‘അഞ്ചാം പാതിര’യിൽ ബെഞ്ചമിൻ ലൂയിസായി പ്രേക്ഷകരെ അത്ഭുതപ്പെടുത്തി. ഇപ്പോൾ ‘ഹലോ മമ്മി’യിലൂടെ ആദ്യമായി ഐശ്വര്യ ലക്ഷ്മിയുടെ നായകനായി അഭിനയിക്കുകയാണ്.

ചിത്രത്തിൽ ഹിന്ദി താരം സണ്ണി ഹിന്ദുജ സുപ്രധാന വേഷത്തിലെത്തുന്നു. അജു വർഗീസ്, ജഗദീഷ്, ജോണി ആന്റണി, ജോമോൻ ജ്യോതിർ, ബിന്ദു പണിക്കർ, അദ്രി ജോ, ശ്രുതി സുരേഷ്, ഗംഗാ മീരാ തുടങ്ങിയവരും പ്രധാന വേഷങ്ങളിൽ എത്തുന്നു. പ്രവീൺ കുമാർ ഛായാഗ്രഹണം നിർവഹിക്കുന്ന ചിത്രത്തിന്റെ സംഗീത സംവിധാനം മു. രിയും സുഹൈൽ കോയയും ചേർന്നാണ് നിർവഹിക്കുന്നത്. ചമൻ ചാക്കോയാണ് എഡിറ്റർ.

സാന്ദ്ര തോമസിനെതിരെ ആഞ്ഞടിച്ച് വിജയ് ബാബു; കൂടുതൽ വിവരങ്ങൾ പുറത്തുവിടുമെന്ന് ഭീഷണി

Story Highlights: Sharafudheen and Aishwarya Lekshmi star in new family entertainer ‘Hello Mummy’ releasing November 21

“സിനിമ കുറയുമെന്ന ടെൻഷനൊന്നും ഇന്നസെന്റിന് ഉണ്ടായിരുന്നില്ല”: മുകേഷ്