Allu Arjun fans confront YouTuber; Pushpa 2 set for massive release

തെലുങ്ക് സൂപ്പർതാരം അല്ലു അർജുനും ഭാര്യയ്ക്കുമെതിരെ നിരന്തരം അധിക്ഷേപ വീഡിയോകൾ നിർമിച്ചിരുന്ന യൂട്യൂബറെ നേരിട്ട് ആരാധകർ. ഹൈദരാബാദിലെ റെഡ് ടിവി എന്ന യൂട്യൂബ് ചാനലിലൂടെയാണ് കഴിഞ്ഞ കുറച്ച് മാസങ്ങളായി ഇയാൾ അടിസ്ഥാനരഹിതമായ മോശം പരാമർശങ്ങൾ നടത്തിയിരുന്നത്. അല്ലു ഫാൻസ് പ്രവർത്തകർ സംഘടിച്ചെത്തി യൂട്യൂബറെ നേരിൽ കണ്ട് മാപ്പ് പറയിപ്പിക്കുകയും അധിക്ഷേപ വീഡിയോകൾ നീക്കം ചെയ്യാൻ ആവശ്യപ്പെടുകയും ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, അല്ലു അർജുന്റെ പുതിയ ചിത്രമായ ‘പുഷ്പ 2’ അടുത്ത മാസം റിലീസിന് ഒരുങ്ങുകയാണ്. സുകുമാർ സംവിധാനം ചെയ്യുന്ന ഈ ചിത്രം ഡിസംബർ അഞ്ചിന് തിയേറ്ററുകളിൽ എത്തും. ഓവർസീസിൽ നിന്ന് മാത്രം 125 കോടി രൂപയുടെ ബിസിനസ് നേടിയ ചിത്രത്തിന്റെ തിയേറ്റർ അവകാശം 600 കോടി രൂപയ്ക്ക് വിറ്റഴിച്ചതായി റിപ്പോർട്ടുകളുണ്ട്. പ്രീ സെയിലിലൂടെ മാത്രം 1,085 കോടി രൂപയുടെ ബിസിനസ് നേടിയതായും വാർത്തകൾ പുറത്തുവരുന്നു.

അല്ലു അർജുനും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിക്കുന്ന ‘പുഷ്പ 2’ൽ ഫഹദ് ഫാസിൽ, സുനിൽ, അനസൂയ ഭരദ്വാജ് തുടങ്ങിയവരും പ്രധാന വേഷങ്ങളിൽ എത്തുന്നു. മൈത്രി മൂവി മേക്കേഴ്സാണ് ചിത്രത്തിന്റെ നിർമാതാക്കൾ. ഈ സിനിമയുടെ റിലീസിനായി ആരാധകർ ആകാംക്ഷയോടെ കാത്തിരിക്കുകയാണ്.