വയനാട്ടിൽ തിരഞ്ഞെടുപ്പ് പ്രചാരണം അവസാനിച്ചു. വാശിയേറിയ പരസ്യ പ്രചരണത്തിന് തിരശീല വീണപ്പോൾ, മുന്നണികൾ വ്യത്യസ്ത ഇടങ്ങളിൽ കൊട്ടിക്കലാശം നടത്തി. പതിഞ്ഞ താളത്തിൽ തുടങ്ങിയ പ്രചാരണം അവസാന മണിക്കൂറുകളിൽ ആവേശക്കൊടുമുടി കയറി. മറ്റന്നാൾ വയനാട് പോളിംഗ് ബൂത്തിലെത്തും.
രാഹുൽ ഗാന്ധിയും പ്രിയങ്കാ ഗാന്ധിയും വൈകാരിക പ്രസംഗവുമായി രംഗത്തെത്തി. മാനന്തവാടിയിലെ റോഡ് ഷോയിൽ ജനസാഗരത്തെ അഭിസംബോധന ചെയ്ത പ്രിയങ്ക, വയനാടിനെ പുകഴ്ത്തി സംസാരിച്ചു. മലയാളം പഠിക്കുമെന്ന് പറഞ്ഞ പ്രിയങ്ക, താൻ പുതിയതായി പഠിച്ച മലയാള വാക്യം അഭിമാനത്തോടെ പറഞ്ഞപ്പോൾ പ്രവർത്തകരും വയനാട്ടുകാരും വൻ കരഘോഷത്തോടെ സ്വീകരിച്ചു.
എൽഡിഎഫ് സ്ഥാനാർത്ഥി സത്യൻ മൊകേരി രാഹുലിനും പ്രിയങ്കയ്ക്കുമെതിരെ ആരോപണങ്ങൾ ഉന്നയിച്ചു. കർണാടക സർക്കാരിന്റെ സഹായത്തോടെ വയനാട്ടിൽ കോൺഗ്രസ് പണമൊഴുക്കുന്നുവെന്നും, ഉരുൾപൊട്ടൽ സമയത്തെ ഭക്ഷ്യക്കിറ്റുകൾ തിരഞ്ഞെടുപ്പ് നേട്ടത്തിനായി വിതരണം ചെയ്യുന്നുവെന്നും അദ്ദേഹം ആരോപിച്ചു. എൻഡിഎ സ്ഥാനാർത്ഥി നവ്യാഹരിദാസിലൂടെ വോട്ടുവിഹിതം ഉയർത്താമെന്ന് ബിജെപി പ്രതീക്ഷിക്കുന്നു. സുൽത്താൻ ബത്തേരിയിലായിരുന്നു എൻഡിഎയുടെ കൊട്ടിക്കലാശം.
Story Highlights: Wayanad election campaign concludes with high-energy finale featuring Rahul Gandhi, Priyanka Gandhi, and rival candidates
