Vizhinjam Port: 46 Ships, 7.4 Crore GST Revenue in 4 Months

വിഴിഞ്ഞം തുറമുഖത്തിന്റെ വിജയകരമായ പ്രവർത്തനം സംസ്ഥാനത്തിന് വൻ നേട്ടമായി മാറിയിരിക്കുകയാണ്. തുറമുഖ വകുപ്പ് മന്ത്രി വി എൻ വാസവൻ ഫേസ്ബുക്കിൽ പങ്കുവെച്ച വിവരങ്ങൾ പ്രകാരം, ട്രയൽ റൺ ആരംഭിച്ച് നാല് മാസത്തിനുള്ളിൽ 46 കപ്പലുകളാണ് വിഴിഞ്ഞം തുറമുഖത്ത് എത്തിയത്. ഈ കാലയളവിൽ ജി എസ് ടി ഇനത്തിൽ സർക്കാർ ഖജനാവിലേക്ക് 7.4 കോടി രൂപയുടെ വരുമാനം ലഭിച്ചതായും മന്ത്രി വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നവംബർ ഒൻപത് വരെയുള്ള കണക്കനുസരിച്ച്, 1,00,807 ടിഇയു ചരക്കുകളാണ് തുറമുഖത്ത് കൈകാര്യം ചെയ്തത്. മാസം തോറും തീരത്തടുക്കുന്ന കപ്പലുകളുടെ എണ്ണത്തിലും വർധനയുണ്ടാകുന്നുണ്ട്. ജൂലൈയിൽ 3, സെപ്റ്റംബറിൽ 12, ഒക്ടോബറിൽ 23, നവംബറിൽ ഇതുവരെ 8 എന്നിങ്ങനെയാണ് എത്തിച്ചേർന്ന കപ്പലുകളുടെ എണ്ണം. ലോകത്തിലെ വമ്പൻ കപ്പലുകൾ കേരളത്തിന്റെ സുവർണ തീരത്ത് നങ്കൂരമിട്ടത് അഭിമാനകരമായ നേട്ടമാണെന്ന് മന്ത്രി പറഞ്ഞു.

ലോകത്തെ ഏറ്റവും വലിയ ചരക്ക് കപ്പലുകളുടെ ശ്രേണിയിൽപ്പെടുന്ന എം.എസ്.സി ക്ലോഡ് ഗിരാർഡെറ്റ്, അന്ന, വിവിയാന എന്നീ കപ്പലുകൾ എത്തിച്ചേർന്നതും വിഴിഞ്ഞത്തിന് അഭിമാനിക്കാവുന്ന നേട്ടമാണ്. തുറമുഖം ആരംഭിച്ച് നാലു മാസങ്ങൾക്ക് പിന്നാലെയാണ് ഈ അസാധാരണ നേട്ടം കൈവരിച്ചത്. ട്രയൽ പുരോഗമിക്കുന്നതിനിടയിൽ നേട്ടമുണ്ടാക്കിയത് അഭിമാന നിമിഷമാണെന്നും മന്ത്രി വി എൻ വാസവൻ കൂട്ടിച്ചേർത്തു.

വിദേശ ഫണ്ട് വിഷയം ചർച്ച ചെയ്തില്ല; സംസ്ഥാനത്തിന്റെ സാമ്പത്തിക കാര്യങ്ങൾ ഉന്നയിച്ചെന്ന് ബാലഗോപാൽ

Story Highlights: Vizhinjam port achieves remarkable success with 46 ships and 7.4 crore GST revenue in 4 months

ഭാരതാംബ വിവാദത്തിൽ ആർഎസ്എസിന് മറുപടിയില്ല; പ്രതിഷേധം ജാള്യത മറയ്ക്കാനെന്ന് മന്ത്രി പി. പ്രസാദ്