Historic snowfall in Saudi Arabia's Al-Jawf region goes viral

സൗദി അറേബ്യയിലെ അല്-ജൗഫ് മേഖലയിൽ ചരിത്രത്തിലാദ്യമായി മഞ്ഞുവീഴ്ചയുണ്ടായിരിക്കുകയാണ്. വരണ്ടുണങ്ങി കിടന്നിരുന്ന മരുഭൂമികൾ മഞ്ഞണിഞ്ഞ കാഴ്ചയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. അറബിക്കടലിൽ നിന്ന് ഉത്ഭവിച്ച് ഒമാനിലേക്ക് വ്യാപിക്കുന്ന ന്യൂനമർദം കാരണമാണ് ഇത്തരമൊരു പ്രതിഭാസം അരങ്ങേറിയതെന്ന് വിലയിരുത്തപ്പെടുന്നു. മഞ്ഞുമൂടി കിടക്കുന്ന മരുഭൂമിയുടെ ചിത്രങ്ങളും വിഡിയോകളും സാമൂഹ്യമാധ്യമങ്ങളിൽ വ്യാപകമായി പ്രചരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ ദിവസങ്ങളിലായി പെയ്ത കനത്ത മഴയും ആലിപ്പഴം വീഴ്ത്തിക്കൊണ്ടുള്ള ശക്തമായ കാറ്റുമാണ് മഞ്ഞുവീഴ്ചയ്ക്ക് കാരണമായതെന്ന് യുഎഇ കാലാവസ്ഥാ കേന്ദ്രം (എന്സിഎം) വിശദീകരിച്ചു. തദ്ദേശീയ ജനങ്ങള്ക്ക് പരിചിതമല്ലാത്ത ഈ കാലാവസ്ഥാ വ്യതിയാനം കാരണം ജനങ്ങള് പ്രത്യേകം ശ്രദ്ധ പുലര്ത്തണമെന്ന് ഔദ്യോഗിക വൃത്തങ്ങള് മുന്നറിയിപ്പ് നൽകിയിട്ടുണ്ട്.

സൗദി അറേബ്യയിലെ മിക്ക പ്രദേശങ്ങളിലും അടുത്ത ശനിയാഴ്ച വരെ ഇടിമിന്നലോടുകൂടിയ മഴയുണ്ടാകുമെന്നും മുന്നറിയിപ്പുണ്ട്. തബൂക്ക്, വടക്കന് അതിര്ത്തികള്, അസീര്, ജിസാന് മേഖല, കിഴക്കന് പ്രവിശ്യ, അല്-ബഹ, മദീന, ഖാസിം, നജ്റാന് തുടങ്ങിയ മേഖലകളിലും അധികൃതര് മഴമുന്നറിയിപ്പ് നല്കിയിട്ടുണ്ട്. ഈ അസാധാരണ കാലാവസ്ഥ സ്ഥിതിയിൽ ജനങ്ങൾ ജാഗ്രത പാലിക്കേണ്ടതുണ്ട്.

ബ്ലൂ ഒറിജിൻ ചരിത്രം കുറിച്ചു; വനിതകൾ മാത്രമുള്ള ആദ്യ ബഹിരാകാശ ദൗത്യം വിജയകരം

Story Highlights: Historic snowfall in Saudi Arabia’s Al-Jawf region due to low pressure system, heavy rain, and strong winds

സ്വകാര്യ ഹജ്ജ് ക്വാട്ട വെട്ടിക്കുറച്ചു: കേന്ദ്രം ഇടപെടണമെന്ന് സ്റ്റാലിൻ