Auto-rickshaw accident in Thiruvananthapuram: Missing man's body found

തിരുവനന്തപുരത്ത് ഓട്ടോറിക്ഷ തോട്ടിലേക്ക് മറിഞ്ഞ് കാണാതായ വിജയന്റെ (66) മൃതദേഹം കണ്ടെത്തി. മലപ്പരിക്കോണം ക്ഷേത്രത്തിന് സമീപത്തെ തോട്ടിലാണ് മൃതദേഹം കണ്ടെത്തിയത്. അപകടം നടന്ന സ്ഥലത്ത് നിന്ന് 5 കിലോമീറ്റർ അകലെയായിരുന്നു ഇത്. വൈകുന്നേരം ആറുമണിയോടെയാണ് അപകടം സംഭവിച്ചത്. സുരേഷ് എന്നയാളുടെ ഓട്ടോയിൽ സഞ്ചരിക്കുന്നതിനിടെയാണ് ദുരന്തം ഉണ്ടായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിയന്ത്രണം നഷ്ടപ്പെട്ട് ഓട്ടോ തോട്ടിലേക്ക് വീണതാണ് അപകടകാരണമെന്നാണ് പ്രാഥമിക നിഗമനം. ഓട്ടോ ഡ്രൈവർ സുരേഷ് രക്ഷപ്പെട്ടെങ്കിലും വിജയനെ കണ്ടെത്താൻ കഴിഞ്ഞിരുന്നില്ല. കനത്ത മഴയെ തുടർന്ന് തോട്ടിൽ കുത്തൊഴുക്കായിരുന്നു. തോട്ടിൽ നിന്ന് റോഡിലേക്ക് വെള്ളം കരകവിഞ്ഞ് ഒഴുകിയതിനാൽ റോഡും തോടും തിരിച്ചറിയാൻ കഴിയാത്ത അവസ്ഥയിലായിരുന്നു. ഇതാണ് അപകടത്തിലേക്ക് നയിച്ചത്.

അപകടസ്ഥലത്ത് നിന്ന് 30 മീറ്റർ താഴെയാണ് തകർന്ന ഓട്ടോ കണ്ടെത്തിയത്. പാറയിൽ കുടുങ്ങിയ നിലയിലായിരുന്നു വാഹനം. അപകടം നടന്ന ഉടൻ രണ്ടുപേർ ഓട്ടോ ഡ്രൈവർ സുരേഷിനെ രക്ഷപ്പെടുത്തിയിരുന്നു. ഇന്നലെ രാത്രി വരെ വിജയനായി തിരച്ചിൽ നടത്തിയെങ്കിലും ഫലമുണ്ടായില്ല. രാവിലെ തിരച്ചിൽ പുനഃരാരംഭിച്ചപ്പോഴാണ് മൃതദേഹം കണ്ടെത്തിയത്.

മെഡിക്കൽ കോളേജുകളിൽ പരസ്യ പ്രതികരണത്തിന് വിലക്ക്; കടുത്ത നടപടിയെന്ന് പ്രിൻസിപ്പൽ

Story Highlights: Body of Vijayan found 5 km away from accident site where auto-rickshaw plunged into stream in Thiruvananthapuram

തിരുവനന്തപുരത്ത് നാളെ ജലവിതരണം മുടങ്ങും