Kerala Launches Seaplane Service: Boosting Tourism and Connectivity

സംസ്ഥാനത്തെ വിനോദസഞ്ചാര മേഖലയില് വന് വികസനത്തിന് വഴിയൊരുക്കുന്ന സീപ്ലെയിന് സര്വീസ് നവംബര് 11 ന് ടൂറിസം മന്ത്രി പി.എ മുഹമ്മദ് റിയാസ് ഫ്ളാഗ് ഓഫ് ചെയ്യും. കൊച്ചി കെടിഡിസി ബോള്ഗാട്ടി പാലസ് ഹോട്ടലില് രാവിലെ 9.30 ന് നടക്കുന്ന ചടങ്ങില് വ്യവസായ നിയമ കയര് വകുപ്പ് മന്ത്രി പി. രാജീവ് അധ്യക്ഷത വഹിക്കും. കേന്ദ്ര സര്ക്കാരിന്റെ ഉഡാന് റീജിയണല് കണക്ടിവിറ്റി സ്കീമിന് കീഴിലുള്ള സീപ്ലെയിന് സര്വീസ് ആണ് സംസ്ഥാനത്ത് ആരംഭിക്കുന്നത്. കേരളത്തിലെ വിമാനത്താവളങ്ങളും ജലാശയങ്ങളും തമ്മിലുള്ള കണക്ടിവിറ്റി വര്ധിപ്പിക്കുന്നതാണ് പദ്ധതി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സീപ്ലെയിന് പദ്ധതി നടപ്പാക്കുന്നതിലൂടെ കേരളത്തിന്റെ ടൂറിസം വികസനത്തില് വലിയ കുതിച്ചുചാട്ടത്തിനാണ് സാധ്യത ഒരുങ്ങുന്നതെന്ന് ടൂറിസം മന്ത്രി പറഞ്ഞു. തീരദേശ, മലയോര ടൂറിസം ഡെസ്റ്റിനേഷനുകളിലേക്കുള്ള കണക്ടിവിറ്റി വര്ധിപ്പിക്കാനും സമയം ലാഭിക്കാനും സീപ്ലെയിന് സര്വീസുകളിലൂടെ സാധിക്കും. ഉള്നാടന് ഗ്രാമങ്ങളിലേക്ക് യാത്രചെയ്യാനും അനുഭവവേദ്യ ടൂറിസത്തിന്റെ ഭാഗമാകാനും സഞ്ചാരികള്ക്ക് അവസരമൊരുങ്ങുമെന്നും മന്ത്രി കൂട്ടിച്ചേര്ത്തു.

തിരുവനന്തപുരത്ത് സൗജന്യ ഫോട്ടോഗ്രാഫി, വീഡിയോഗ്രാഫി കോഴ്സുകൾ ആരംഭിക്കുന്നു

സീപ്ലെയിന് സര്വീസ് ആരംഭിക്കുന്നതിലൂടെ ചുരുങ്ങിയ സമയം കൊണ്ട് കേരളത്തിലെ കൂടുതല് ഡെസ്റ്റിനേഷനുകള് സന്ദര്ശിക്കാമെന്ന സാധ്യത വിനോദസഞ്ചാരികള്ക്കു മുന്നില് അവതരിപ്പിക്കാനാകുമെന്ന് ടൂറിസം സെക്രട്ടറി കെ. ബിജു പറഞ്ഞു. വിദേശ രാജ്യങ്ങളിലടക്കം ഇതിന് പ്രചാരണം നല്കാനും കൂടുതല് സഞ്ചാരികളെ ആകര്ഷിക്കാനുമാകുമെന്നും അദ്ദേഹം ചൂണ്ടിക്കാട്ടി. കേരളത്തിലെ നാല് വിമാനത്താവളങ്ങള് തമ്മിലുള്ള കണക്ടിവിറ്റിയും വാട്ടര് ഡ്രോമുകളും വിമാനത്താവളങ്ങളും തമ്മിലുമുള്ള കണക്ടിവിറ്റിയും വര്ധിപ്പിക്കാന് അവസരമൊരുക്കുന്നതാണ് സീപ്ലെയിന് പദ്ധതി.

Story Highlights: Kerala to launch seaplane service connecting airports and water bodies, boosting tourism development

ഓണാഘോഷത്തിന് ആകാശവിരുന്നൊരുക്കി ഡ്രോൺ ഷോ