മോഹൻലാൽ-തരുൺ മൂർത്തി ടീമിന്റെ പുതിയ ചിത്രത്തിന്റെ ടൈറ്റിലും ഫസ്റ്റ്ലുക്ക് പോസ്റ്ററും പുറത്തുവന്നു. ‘തുടരും’ എന്നാണ് ചിത്രത്തിന്റെ പേര്. മോഹൻലാൽ തന്നെയാണ് സോഷ്യൽ മീഡിയയിലൂടെ ഇത് പങ്കുവെച്ചത്. സ്കൂൾ കുട്ടികൾക്കൊപ്പം കളിക്കുന്ന മോഹൻലാലിനെയാണ് പോസ്റ്ററിൽ കാണാനാകുന്നത്. ഷർട്ടും മുണ്ടും ധരിച്ച നാടൻ ലുക്കിലാണ് താരം ചിത്രത്തിലെത്തുന്നത്.
വർഷങ്ങൾക്കു ശേഷം മോഹൻലാൽ ഒരു റിയലിസ്റ്റിക് നാടൻ കഥാപാത്രത്തിൽ എത്തുന്നു എന്നതാണ് ചിത്രത്തിന്റെ പ്രത്യേകത. മലയാളത്തിന്റെ എവർഗ്രീൻ കോംബോയായ മോഹൻലാൽ-ശോഭന ജോഡി 20 വർഷങ്ങൾക്കു ശേഷം വീണ്ടും ഒന്നിക്കുന്നു എന്നതും ശ്രദ്ധേയമാണ്. മോഹൻലാൽ എന്ന നടനെ ഇഷ്ടപ്പെടുന്നവരെ നിരാശപ്പെടുത്താത്ത സിനിമയായിരിക്കും ഇതെന്ന് നിർമാതാവ് എം. രഞ്ജിത്ത് പറയുന്നു.
രജപുത്ര വിഷ്വൽ മീഡിയയുടെ ബാനറിൽ എം. രഞ്ജിത്താണ് ചിത്രം നിർമിക്കുന്നത്. കെ.ആർ. സുനിലും തരുൺ മൂർത്തിയും ചേർന്നാണ് തിരക്കഥ ഒരുക്കുന്നത്. ഷാജി കുമാർ ഛായാഗ്രഹണം നിർവഹിക്കുന്നു. നിഷാദ് യൂസുഫും ഷെഫീഖ് വിബിയും ചേർന്ന് എഡിറ്റിംഗ് നിർവഹിക്കുന്നു. ജേക്സ് ബിജോയ് സംഗീത സംവിധാനം നിർവഹിക്കുന്നു. അടുത്തിടെയാണ് ചിത്രത്തിന്റെ ഷൂട്ടിംഗ് പൂർത്തിയായത്.
Story Highlights: Mohanlal-Tarun Moorthy’s new film ‘Thudarum’ first look poster released, featuring Mohanlal in a rustic avatar alongside school children.
