Supreme Court upholds minority status of Aligarh Muslim University

അലിഗഡ് സർവകലാശാലയുടെ ന്യൂനപക്ഷ പദവി തുടരുമെന്ന് സുപ്രീം കോടതി വിധിച്ചു. സർവകലാശാല ന്യൂനപക്ഷ വിദ്യാഭ്യാസ സ്ഥാപനമല്ലെന്ന മുൻ ഉത്തരവ് കോടതി റദ്ദാക്കി. ഒരു സ്ഥാപനം ന്യൂനപക്ഷ സ്ഥാപനമാകാൻ അത് സ്ഥാപിച്ചത് ന്യൂനപക്ഷമായാൽ മതിയെന്ന് വിധിയിൽ വ്യക്തമാക്കി. അലഹാബാദ് ഹൈക്കോടതിയുടെ വിധിക്കെതിരെ നൽകിയ അപ്പീലിലാണ് ഈ തീരുമാനം. 18 വർഷങ്ങൾക്ക് ശേഷമാണ് സുപ്രീംകോടതി വാദം കേട്ട് തീരുമാനമെടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചീഫ് ജസ്റ്റിസ് ഡി. വൈ. ചന്ദ്രചൂഡ് അധ്യക്ഷനായ 7 അംഗ ബെഞ്ചിന്റേതാണ് ഉത്തരവ്. നാല് അംഗങ്ങൾ ഉത്തരവിന് അനുകൂലമായിരുന്നു.

ചീഫ് ജസ്റ്റിസ് എഴുതിയ വിധിയെ ജസ്റ്റിസുമാരായ സഞ്ജീവ് ഖന്ന, ജെ. ബി. പർദിവാല, മനോജ് മിശ്ര എന്നിവർ പിന്തുണച്ചു. ജസ്റ്റിസുമാരായ സൂര്യ കാന്ത്, ദിപാങ്കർ ദത്ത, എസ്. സി. ശർമ്മ എന്നിവർ ഭിന്നവിധി എഴുതി.

1967-ലെ അസീസ് ബാഷ കേസിലെ വിധിയാണ് സുപ്രീംകോടതിയുടെ ഭരണഘടന ബെഞ്ച് അസാധുവാക്കിയത്. ന്യൂനപക്ഷ സ്ഥാപനമാകണമെങ്കിൽ അത് ന്യൂനപക്ഷ ക്ഷേമത്തിനായി പ്രവർത്തിച്ചാൽ മതിയെന്നും ന്യൂനപക്ഷ അംഗങ്ങൾ ഭരിക്കേണ്ടതില്ലെന്നും ചീഫ് ജസ്റ്റിസ് വിധിയിൽ പറഞ്ഞു. ഭരണഘടന നിലവിൽ വരുന്നതിനു മുൻപ് സ്ഥാപിച്ച വിദ്യാഭ്യാസ സ്ഥാപനങ്ങൾക്കും ആർട്ടിക്കിൾ 30 ബാധകമാകുമെന്നും കോടതി നിരീക്ഷിച്ചു. അലിഗഡ് മുസ്ലിം സർവകലാശാല സ്ഥാപിച്ചത് ന്യൂനപക്ഷമാണോ അല്ലയോ എന്ന കാര്യത്തിൽ തീരുമാനമെടുക്കാൻ പുതിയ ബെഞ്ച് രൂപീകരിക്കുമെന്നും അതുവരെ പദവി തുടരുമെന്നും ചീഫ് ജസ്റ്റിസ് വ്യക്തമാക്കി.

ടി.പി.ചന്ദ്രശേഖരൻ വധക്കേസ്: ജ്യോതിബാബുവിന് ജാമ്യമില്ലെന്ന് സുപ്രീംകോടതി

Story Highlights: Supreme Court overturns previous order, upholds minority status of Aligarh Muslim University

ആളില്ലാത്ത സ്ഥലത്തും ഫോം നൽകിയെന്ന് രേഖപ്പെടുത്തണം; വിവാദ നിർദേശവുമായി ഇലക്ടറൽ രജിസ്ട്രേഷൻ ഓഫീസർ