CPI(M) Leader NN Krishnadas Dismisses Trolley Bag Controversy

പാലക്കാട്ടെ ട്രോളി ബാഗ് വിവാദത്തിൽ സിപിഐഎം നേതൃത്വത്തെ തള്ളി മുതിർന്ന നേതാവ് എൻഎൻ കൃഷ്ണദാസ് രംഗത്തെത്തി. രാഷ്ട്രീയ വിഷയങ്ങളാണ് മണ്ഡലത്തിൽ ചർച്ച ചെയ്യേണ്ടതെന്നും ട്രോളി ബാഗ് ചർച്ച കൊണ്ട് ആർക്കും ഒരു നേട്ടവും കിട്ടില്ലെന്നും അദ്ദേഹം അഭിപ്രായപ്പെട്ടു. മഞ്ഞപ്പെട്ടി നീലപ്പെട്ടി എന്നൊക്കെ പറഞ്ഞ് ആളുകളുടെ കണ്ണിൽ പൊടിയിടരുതെന്നും താൻ പറയുന്നതാണ് സിപിഐഎം നിലപാടെന്നും കൃഷ്ണദാസ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തെരഞ്ഞെടുപ്പിൽ ജനകീയ രാഷ്ട്രീയ വിഷയങ്ങളാണ് ചർച്ച ചെയ്യേണ്ടതെന്ന് എൻഎൻ കൃഷ്ണദാസ് പറഞ്ഞു. ട്രോളിയിൽ പണമുണ്ടോ ഇല്ലയോ എന്നത് പാർട്ടികളല്ല പൊലീസാണ് നോക്കേണ്ടതെന്നും അദ്ദേഹം കൂട്ടിച്ചേർത്തു.

മന്ത്രി എം ബി രാജേഷ് എന്തിനാണ് ട്രോളി വിവാദം ഉന്നയിക്കുന്നതെന്ന് അദ്ദേഹത്തോട് ചോദിക്കണമെന്നും കൃഷ്ണദാസ് ആവശ്യപ്പെട്ടു. ട്രോളി വിവാദം കഴിഞ്ഞെന്നും ജനകീയ വിഷയങ്ങളിലേക്ക് ചർച്ച മാറണമെന്നും എൻഎൻ കൃഷ്ണദാസ് അഭിപ്രായപ്പെട്ടു.

പാർട്ടി നിലപാട് പറയാൻ മറ്റ് നേതാക്കളോട് ചർച്ച ചെയ്യേണ്ടതില്ലെന്നും ജില്ലാ സെക്രട്ടറി ഉടൻ മറുപടി പറയുമെന്നും അദ്ദേഹം കൂട്ടിച്ചേർത്തു. ജില്ലാ സെക്രട്ടറി കേസിന് പോകുമെന്ന് കരുതുന്നില്ലെന്നും കൃഷ്ണദാസ് വ്യക്തമാക്കി. Story Highlights: Senior CPI(M) leader NN Krishnadas dismisses trolley bag controversy, calls for focus on political issues

പാലക്കാട് മുതലമടയിൽ ആദിവാസി യുവാവിനെ മുറിയിൽ പൂട്ടിയിട്ട് മർദ്ദിച്ചെന്ന് പരാതി