Kerala leads Uttar Pradesh by 178 runs in Ranji Trophy cricket

ഉത്തർപ്രദേശിനെതിരെ രഞ്ജി ട്രോഫി ക്രിക്കറ്റിൽ കേരളം മികച്ച പ്രകടനം കാഴ്ചവയ്ക്കുന്നു. രണ്ടാം ദിനം കളി നിർത്തുമ്പോൾ കേരളം 178 റൺസിന്റെ ലീഡുമായി 7 വിക്കറ്റ് നഷ്ടത്തിൽ 340 റൺസെടുത്തിരിക്കുകയാണ്. ടോസ് നേടിയ കേരള ക്യാപ്റ്റൻ സച്ചിൻ ബേബി ഫീൽഡിങ് തെരഞ്ഞെടുത്തത് ശരിയായിരുന്നുവെന്ന് തെളിയിക്കുന്നതായിരുന്നു കേരള ബൗളർമാരുടെ പ്രകടനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജലജ് സക്സേന അഞ്ച് വിക്കറ്റും, ബേസിൽ തമ്പി രണ്ടു വിക്കറ്റും, സർവാതെ, ആസിഫ് എന്നിവർ ഓരോ വിക്കറ്റും വീഴ്ത്തി ഉത്തർപ്രദേശിനെ 60. 2 ഓവറിൽ 162 റൺസിൽ ഓൾ ഔട്ടാക്കി.

മറുപടി ബാറ്റിങ്ങിനിറങ്ങിയ കേരളത്തിന് വേണ്ടി ക്യാപ്റ്റൻ സച്ചിൻ ബേബി 83 റൺസ് നേടി മികച്ച പ്രകടനം കാഴ്ച വെച്ചു. സൽമാൻ നിസാർ (74*), ജലജ് സക്സേന (35), ബാബ അപർജിത്ത് (32) എന്നിവരും ഭേദപ്പെട്ട പ്രകടനം നടത്തി.

— wp:paragraph –> രഞ്ജി ട്രോഫിയിൽ ഇതുവരെയുള്ള മൂന്ന് കളികളിൽ നിന്നും ഒരു ജയവും രണ്ട് സമനിലയുമുള്ള കേരളം എട്ട് പോയിന്റുമായി എലൈറ്റ് ഗ്രൂപ്പ് സി പോയന്റ് പട്ടികയിൽ രണ്ടാം സ്ഥാനത്താണ്. പതിമൂന്ന് പോയിന്റുള്ള ഹരിയാനയാണ് ഗ്രൂപ്പിൽ ഒന്നാം സ്ഥാനത്ത്. നെറ്റ് റൺ റേറ്റിന്റെ ബലത്തിലാണ് കേരളം രണ്ടാം സ്ഥാനത്തെത്തിയത്. എട്ട് പോയിന്റുമായി കേരളത്തിന്റെ തൊട്ടുപുറകെ കർണാടകയും ഉണ്ട്.

വിമൻസ് പ്രീമിയർ ലീഗ്: ജയേഷ് ജോർജ് ചെയർമാൻ

Story Highlights: Kerala leads by 178 runs against Uttar Pradesh in Ranji Trophy cricket match

ഉത്തർപ്രദേശിൽ സ്ത്രീധനത്തിന്റെ പേരിൽ ഗർഭിണിയായ യുവതിയെ ഭർത്താവും വീട്ടുകാരും ചേർന്ന് തല്ലിക്കൊന്നു