പാലക്കാട് ഹോട്ടലില്‍ നിന്ന് പുറത്തിറങ്ങിയ ശേഷം താന്‍ കയറിയത് ഷാഫി പറമ്പിലിന്റെ വാഹനത്തിലാണെന്ന് രാഹുല്‍ മാങ്കൂട്ടത്തില്‍ വ്യക്തമാക്കി. കുറച്ചുദൂരം ആ വണ്ടിയില്‍ സഞ്ചരിച്ച ശേഷം പാലക്കാട് പ്രസ് ക്ലബ്ബിന് സമീപം ഇറങ്ങി, അവിടെ നിന്ന് സ്വന്തം കാറില്‍ കയറി KR Tower ന് സമീപം എത്തിയെന്നും അദ്ദേഹം വിശദീകരിച്ചു.
അവിടെ നിന്ന് തന്റെ ബാഗ് സുഹൃത്തിന്റെ കാറില്‍ കയറ്റി കോഴിക്കോട്ടേക്ക് പോവുകയായിരുന്നുവെന്ന് രാഹുല്‍ പറഞ്ഞു. വാഹനം സര്‍വീസിന് കൊടുക്കാന്‍ വേണ്ടി ഈ സുഹൃത്തിനെ ഏല്‍പ്പിച്ചുവെന്നും, പിറ്റേ ദിവസം ടൊയോട്ടയുടെ ഷോറൂമില്‍ സര്‍വീസിന് കൊടുത്തുവെന്നും അദ്ദേഹം കൂട്ടിച്ചേര്‍ത്തു. കോഴിക്കോട് അസ്മ ടവറിലേക്ക് സുഹൃത്തിന്റെ കാറില്‍ ചെന്നിറങ്ങുന്നതിന്റെ സിസിടിവി ദൃശ്യവും രാഹുല്‍ പുറത്തുവിട്ടു.
നേരത്തെ പുറത്തുവന്ന ദൃശ്യങ്ങളില്‍, രാഹുല്‍ മാങ്കൂട്ടത്തില്‍ ഹോട്ടലില്‍ നിന്ന് പോയത് ബാഗുകള്‍ കയറ്റിയ കാറിലല്ലെന്ന് വ്യക്തമായിരുന്നു. രാഹുല്‍ സഞ്ചരിച്ചത് ഗ്രെ കളര്‍ ഇന്നോവയിലാണെന്നും, രണ്ടു ബാഗും കയറ്റിയ ഇന്നോവ കാര്‍ രാഹുലിന്റെ വാഹനത്തിന്റെ പിന്നിലായാണ് സഞ്ചരിച്ചതെന്നും ദൃശ്യങ്ങളില്‍ കാണിച്ചിരുന്നു. ഇപ്പോള്‍ പുറത്ത് വന്ന ദൃശ്യങ്ങള്‍ താന്‍ കണ്ടിട്ടില്ലെന്നും രാഹുല്‍ കൂട്ടിച്ചേര്‍ത്തു.
Story Highlights: Rahul Mamkootathil clarifies he left hotel in Shafi Parambil’s car, not the one with bags
