Shah Rukh Khan's 59th Birthday: Oscar Academy's Surprise Tribute Goes Viral

ബോളിവുഡ് സൂപ്പർസ്റ്റാർ ഷാരൂഖ് ഖാൻ 59-ാം ജന്മദിനം ആഘോഷിക്കുന്ന വേളയിൽ സോഷ്യൽ മീഡിയ ആശംസകൾ കൊണ്ട് നിറയുകയാണ്. കരീന കപൂർ, കരൺ ജോഹർ, ഫറാ ഖാൻ തുടങ്ങിയ സിനിമാ മേഖലയിലെ പ്രമുഖർ നടന് ജന്മദിനാശംസകൾ നേർന്നു. എന്നാൽ, ലോക സിനിമയിൽ നിന്നും അപ്രതീക്ഷിതമായെത്തിയ ഒരു ജന്മദിനാശംസയാണ് ഇപ്പോൾ വൈറലായിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഓസ്കർ അക്കാദമി ഇൻസ്റ്റഗ്രാമിൽ വീഡിയോ പോസ്റ്റ് ചെയ്താണ് ബോളിവുഡിലെ പ്രിയ താരത്തിന് ജന്മദിനത്തിൽ ആദരമർപ്പിച്ചത്. താരത്തിന്റെ സിനിമയായ ‘കഭി ഖുശി കഭി ഗം’ എന്ന ചിത്രത്തിലെ ഷാരൂഖ് ഖാന്റെ ശ്രദ്ധേയമായ രംഗങ്ങളിലൊന്നാണ് വീഡിയോയിൽ ഉൾപ്പെടുത്തിയിട്ടുള്ളത്.

ഇത് ആരാധകർക്കിടയിൽ വലിയ സന്തോഷം സൃഷ്ടിച്ചു. എന്നാൽ, ഇക്കുറി പതിവിന് വിപരീതമായി ആരാധകരെ കാണാൻ താരം മന്നത്തിന്റെ ബാൽക്കണിയിൽ എത്തിയില്ല.

പകരം, ഫാൻസ് ക്ലബ്ബുകൾ ബാന്ദ്രയിൽ സംഘടിപ്പിച്ച പ്രത്യേക ജന്മദിന പരിപാടിയിൽ പങ്കെടുക്കുകയായിരുന്നു ഷാരൂഖ്. ഇത് മന്നത്തിന് മുൻപിൽ തടിച്ചു കൂടിയ ആയിരക്കണക്കിന് ആരാധകരെ നിരാശരാക്കി. മുൻ വർഷങ്ങളിൽ, ഷാരൂഖ് ഖാൻ തന്റെ ജന്മദിനത്തിലും ഈദ് പോലുള്ള വിശേഷാവസരങ്ങളിലും വീടിനോട് ചേർന്ന് പ്രത്യേകം സജ്ജമാക്കിയ ബാൽക്കണിയിലെത്തി ആരാധകരെ കൈവീശി അഭിവാദ്യം ചെയ്യുമായിരുന്നു. ഈ ആചാരം ഇക്കുറി മുടങ്ങിയത് പലരെയും അത്ഭുതപ്പെടുത്തി.

വിവാഹമോചനം എന്നെ മുഴുക്കുടിയനാക്കി; തുറന്നുപറഞ്ഞ് ആമിർ ഖാൻ

Story Highlights: Bollywood superstar Shah Rukh Khan celebrates 59th birthday with social media wishes and unexpected Oscar Academy tribute

ഹോളിവുഡ് വാക്ക് ഓഫ് ഫെയിമിൽ ദീപിക; നേട്ടം കൈവരിച്ച് ആദ്യ ഇന്ത്യൻ നടി