സർക്കാർ ജീവനക്കാർക്കും പെൻഷൻകാർക്കുമായുള്ള മെഡിസെപ്പ് ആരോഗ്യ ഇൻഷുറൻസിന്റെ രണ്ടാം ഘട്ടം പരിഷ്കരണത്തോടെ നടപ്പാക്കാൻ സർക്കാർ തീരുമാനിച്ചു. പുതിയ മെഡിക്കൽ, സർജിക്കൽ പാക്കേജുകളും നിരക്കുകളും പഠിക്കാനായി ശ്രീരാം വെങ്കിട്ടരാമൻ ചെയർമാനായ അഞ്ചംഗ വിദഗ്ധ സമിതിയെ നിയോഗിച്ചിരിക്കുകയാണ്. ഈ സമിതി നിർദേശങ്ങൾ സമർപ്പിക്കും.
2022 ജൂലൈ ഒന്നിന് ആരംഭിച്ച പദ്ധതിയുടെ ആദ്യഘട്ടത്തിൽ വൻ വിമർശനങ്ങൾ ഉയർന്നിരുന്നു. സർക്കാർ ജീവനക്കാർ, പെൻഷൻകാർ, കുടുംബാംഗങ്ങൾ എന്നിവരടക്കം 30 ലക്ഷം പേർക്ക് സൗജന്യ വിദഗ്ധ ചികിത്സ നൽകുമെന്നായിരുന്നു വാഗ്ദാനം. എന്നാൽ ആശുപത്രികളും ഇൻഷുറൻസ് കമ്പനിയും പരാതിയുമായി രംഗത്തെത്തി.
അടുത്ത വർഷം ജൂൺ 30ന് നിലവിലെ പോളിസി അവസാനിക്കുന്ന സാഹചര്യത്തിലാണ് പദ്ധതി പരിഷ്കരിക്കാൻ തീരുമാനിച്ചിരിക്കുന്നത്. പദ്ധതി എങ്ങനെ ഗുണപ്രദമായി നടപ്പാക്കാമെന്ന് പഠിക്കാനാണ് വിദഗ്ധ സമിതിയെ രൂപീകരിച്ചിരിക്കുന്നത്. ഇതോടെ രണ്ടാംഘട്ട ഇൻഷുറൻസ് പദ്ധതി പരിഷ്കരണത്തോടെ നടപ്പിലാക്കാനാണ് സർക്കാർ ലക്ഷ്യമിടുന്നത്.
Story Highlights: Kerala government to implement reformed Medisep Health Insurance Phase II for employees and pensioners
