കൊച്ചിയിൽ നടന്ന ചടങ്ങിൽ ഓൾ വീഡിയോ ഓഡിയോ ടെലിവിഷൻ ആങ്കേഴ്‌സ് ആന്റ് ആർ ജേസ് (അവതാർ) എന്ന സംഘടനയുടെ ഔദ്യോഗിക പ്രഖ്യാപനവും മെമ്പർഷിപ്പ് രജിസ്‌ട്രേഷനും നടന്നു. സിനിമാ താരം ഹരിശ്രീ അശോകൻ ആണ് ചടങ്ങ് ഉദ്ഘാടനം ചെയ്തത്. വിവിധ പ്ലാറ്റ്‌ഫോമുകളിൽ പ്രവർത്തിക്കുന്ന അവതാരകരുടെ ക്ഷേമത്തിനായാണ് അവതാർ എന്ന സംഘടനയ്ക്ക് രൂപം നൽകിയത്.
ഹോട്ടൽ ബുറൂജിൽ നടന്ന ചടങ്ങിൽ സംഘടനയുടെ രജിസ്‌ട്രേഷൻ സർട്ടിഫിക്കറ്റ് ഹരീശ്രീ അശോകൻ അംഗങ്ങൾക്ക് കൈമാറി. അവതാർ പ്രസിഡന്റ് രാജാ സാഹിബ് ആയിരുന്നു ചടങ്ങിൽ അധ്യക്ഷത വഹിച്ചത്. സെക്രട്ടറി സൗമ്യ, കെ എസ് പ്രസാദ്, ഏലൂർ ജോർജ്, പ്രശാന്ത് അലക്‌സാണ്ടർ, നിപിൻ നവാസ്, ജോയ് ജോൺ തുടങ്ങിയവർ ചടങ്ങിൽ പങ്കെടുത്തു.
സുനീഷ് വാരനാട്, റോയ് മണപ്പളളി, സനൽ പോറ്റി, വിനീത് കുമാർ, ഹരി പത്തനാപുരം, ഹരിശ്രീ യുസുഫ്, ഫാസിൽ ബഷീർ, ഇബ്രു പെരിങ്ങല, ഹരി എസ് കുറുപ്പ്, കലാഭവൻ ജിന്റോ, പ്രതീഷ് ശേഖർ എന്നിവരും ചടങ്ങിൽ സന്നിഹിതരായിരുന്നു. ഔദ്യോഗിക പരിപാടികൾക്ക് ശേഷം അംഗങ്ങളുടെ വിവിധ കലാ പരിപാടികളും അരങ്ങേറി.
Story Highlights: All Video Audio Television Anchors and RJs (AVATAR) organization officially launched in Kochi with membership registration and cultural programs.
