Suriya Mourns Untimely Death of Film Editor Nishad Yusuf

ഫിലിം എഡിറ്റർ നിഷാദ് യൂസഫിന്റെ അകാല വിയോഗത്തിൽ നടൻ സൂര്യ ആഴത്തിലുള്ള ദുഃഖം പ്രകടിപ്പിച്ചു. കൊച്ചിയിലെ ഫ്ലാറ്റിൽ ഇന്ന് പുലർച്ചെയാണ് നിഷാദിനെ മരിച്ച നിലയിൽ കണ്ടെത്തിയത്. സൂര്യ തന്റെ എക്സ് അക്കൗണ്ടിൽ പങ്കുവെച്ച കുറിപ്പിൽ “നിഷാദ് ഇന്നില്ല എന്ന് കേൾക്കുമ്പോൾ ഹൃദയം തകരുന്നു. നിങ്ങൾ എപ്പോഴും ഓർമിക്കപ്പെടും” എന്ന് പറഞ്ഞു. നവംബർ 14-ന് റിലീസാകാനിരിക്കുന്ന സൂര്യയുടെ ബിഗ് ബജറ്റ് ചിത്രമായ ‘കങ്കുവ’യുടെ എഡിറ്ററായിരുന്നു നിഷാദ്. സൂര്യ തന്റെ കുറിപ്പിൽ നിഷാദിനെ കങ്കുവ ടീമിലെ പ്രധാനപ്പെട്ട വ്യക്തിയായി വിശേഷിപ്പിച്ചു. അദ്ദേഹത്തിന്റെ കുടുംബത്തോടും സുഹൃത്തുക്കളോടും അനുശോചനം അറിയിക്കുകയും ചെയ്തു. 43 വയസ്സായിരുന്നു നിഷാദിന്. ഹരിപ്പാട് സ്വദേശിയായ നിഷാദ് നിരവധി മലയാള സിനിമകളുടെ എഡിറ്ററായിരുന്നു. 2022-ൽ ‘തല്ലുമാല’ എന്ന ചിത്രത്തിന് മികച്ച ചിത്രസംയോജകനുള്ള സംസ്ഥാന അവാർഡ് ലഭിച്ചിരുന്നു. ‘ചാവേർ’, ‘ഉണ്ട’, ‘സൗദി വെള്ളക്ക’, ‘വൺ’, ‘ഓപ്പറേഷൻ ജാവ’ തുടങ്ങിയവയാണ് നിഷാദ് എഡിറ്റിങ് നിർവഹിച്ച മറ്റു പ്രധാന ചിത്രങ്ങൾ. മലയാള ചലച്ചിത്ര രംഗത്ത് തിളങ്ങി നിൽക്കുന്നതിനിടെയാണ് നിഷാദിന്റെ മരണം സംഭവിച്ചത്. ആത്മഹത്യയാണെന്നാണ് പ്രാഥമിക വിവരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

Heartbroken to hear Nishadh is no more! You’ll always be remembered as a quiet and important person of team Kanguva.. In our thoughts and prayers..! My heartfelt condolences to Nishadh’s family & friends. RIP pic.twitter.com/ClAI024sUe

— Suriya Sivakumar (@Suriya_offl) October 30, 2024