Kerala Navodaya Vidyalaya Admissions 2025-26: Class 9 and 11 Details

കേരളത്തിലെ നവോദയ വിദ്യാലയങ്ങളിൽ 2025-26 വർഷത്തിൽ 9, 11 ക്ലാസുകളിലേക്കുള്ള ലാറ്ററൽ എൻട്രി പ്രവേശനത്തിനുള്ള അപേക്ഷകൾ ഓൺലൈനായി സമർപ്പിക്കേണ്ട അവസാന തീയതി ജനുവരി 30 ആണ്. 9-ാം ക്ലാസ് പ്രവേശനത്തിന് അപേക്ഷിക്കുന്നവർ 2024-25ൽ നവോദയ സ്ഥിതി ചെയ്യുന്ന ജില്ലയിലെ സർക്കാർ/സർക്കാർ അംഗീകൃത സ്കൂളിൽ 8-ാം ക്ലാസിൽ പഠിക്കുന്നവരും 2010 മേയ് 1 മുതൽ 2012 ജൂലൈ 31 വരെയുള്ള കാലയളവിൽ ജനിച്ചവരുമായിരിക്കണം. പ്രായപരിധിയിൽ യാതൊരു ഇളവും അനുവദനീയമല്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രവേശന പരീക്ഷ 2025 ഫെബ്രുവരി 8-ന് നടക്കും. രണ്ടര മണിക്കൂർ നീളുന്ന ഒബ്ജക്ടീവ് ടെസ്റ്റിൽ (ഒഎംആർ രീതി) ഇംഗ്ലിഷ്, ഹിന്ദി, മാത്സ്, ജനറൽ സയൻസ് വിഷയങ്ങളിൽ നിന്നായി 100 ചോദ്യങ്ങൾ ഉണ്ടായിരിക്കും. ചോദ്യങ്ങൾ ഇംഗ്ലിഷിലും ഹിന്ദിയിലും മാത്രമായിരിക്കും.

തെറ്റായ ഉത്തരങ്ങൾക്ക് നെഗറ്റീവ് മാർക്കില്ല. നവോദയ സ്കൂളുകൾ തന്നെയായിരിക്കും പരീക്ഷാ കേന്ദ്രങ്ങൾ. മാത്സ്, സയൻസ്, കൂടുതൽ മാർക്കു ലഭിച്ച ഭാഷ എന്നിവയിലെ ആകെ മാർക്കിന്റെ അടിസ്ഥാനത്തിലായിരിക്കും റാങ്കിംഗ്.

11-ാം ക്ലാസ് പ്രവേശനത്തിന് അപേക്ഷിക്കുന്നവർ 2024-25ൽ നവോദയയുള്ള ജില്ലയിലെ സർക്കാർ/സർക്കാർ അംഗീകൃത സ്കൂളിൽ 10-ാം ക്ലാസിൽ പഠിക്കുന്നവരും 2008 ജൂൺ 1 മുതൽ 2010 ജൂലൈ 31 വരെയുള്ള കാലയളവിൽ ജനിച്ചവരുമായിരിക്കണം. കേരളത്തിലെ 14 സ്കൂളുകളിൽ സയൻസ് ഗ്രൂപ്പിലും, 12 സ്കൂളുകളിൽ കൊമേഴ്സിലും, ഒരു സ്കൂളിൽ ഹ്യുമാനിറ്റീസിലും ഒഴിവുകളുണ്ട്. ഒന്നിലധികം ഗ്രൂപ്പുകളിലേക്ക് അപേക്ഷിക്കാവുന്നതാണ്.

പിഎം ശ്രീ പദ്ധതി: കേന്ദ്രത്തിന്റെ നിർദേശങ്ങളിൽ വ്യക്തതയില്ലെന്ന് വി. ശിവൻകുട്ടി

പ്രവേശന പരീക്ഷ 2025 ഫെബ്രുവരി 8-ന് നടക്കും. മാനസികശേഷി, ഇംഗ്ലിഷ്, സയൻസ്, സോഷ്യൽ സയൻസ്, മാത്സ് എന്നീ 5 വിഷയങ്ങളിൽ 20 വീതം ആകെ 100 ചോദ്യങ്ങൾ ഉണ്ടായിരിക്കും. ഓരോ വിഷയത്തിനും കുറഞ്ഞത് 6 മാർക്കെങ്കിലും നേടേണ്ടതുണ്ട്.

Story Highlights: Lateral entry admissions for 9th and 11th classes in Kerala’s Navodaya Vidyalayas for 2025-26 open, online applications due by January 30.

ഹയർ സെക്കൻഡറി അധ്യാപക സ്ഥലമാറ്റത്തിനും നിയമനത്തിനും ഓൺലൈൻ പോർട്ടൽ