കരണ്‍ അര്‍ജുന്‍ എന്ന ബോളിവുഡ് ഹിറ്റ് ചിത്രം 30 വര്‍ഷങ്ങള്‍ക്ക് ശേഷം റീ റിലീസിനൊരുങ്ങുകയാണ്. 1995-ല്‍ പുറത്തിറങ്ങിയ ഈ ചിത്രത്തില്‍ ബോളിവുഡിന്റെ സൂപ്പര്‍സ്റ്റാറുകളായ ഷാരൂഖ് ഖാനും സല്‍മാന്‍ ഖാനും സഹോദരങ്ങളായി അഭിനയിച്ചിരുന്നു. രാകേഷ് റോഷന്‍ സംവിധാനം ചെയ്ത ഈ ചിത്രത്തിന്റെ റീറിലീസ് നവംബര്‍ 22-ന് നടക്കുമെന്ന് സല്‍മാന്‍ ഖാന്‍ തിങ്കളാഴ്ച പ്രഖ്യാപിച്ചു.
കിംഗ് ഖാനും മസില്‍മാന്‍ സല്‍മാനും എന്നറിയപ്പെടുന്ന ഈ താരങ്ങള്‍ ബോളിവുഡിന്റെ ഹിറ്റ്‌മേക്കേഴ്‌സും ആരാധകരുടെ പ്രിയപ്പെട്ട ബാദ്ഷായും സല്ലുഭായിയുമാണ്. നിരവധി ചിത്രങ്ങളില്‍ ഇരുവരും ഒന്നിച്ച് അഭിനയിച്ചിട്ടുണ്ട്. ചില ചിത്രങ്ങളില്‍ അതിഥി താരങ്ങളായും പരസ്പരം ഇവര്‍ പിന്തുണ നല്‍കിയിട്ടുണ്ട്. ഇപ്പോള്‍ മുന്‍കാലത്തെ ഹിറ്റ് ചിത്രങ്ങള്‍ റീ റിലീസ് ചെയ്യുന്നതാണ് ട്രെന്‍ഡ്. ആ ട്രെന്‍ഡിലേക്കാണ് ഖാന്മാരും ചുവട് വയ്ക്കുന്നത്.
ചിത്രത്തിന്റെ ടീസറും സല്‍മാന്‍ പങ്കുവച്ചിട്ടുണ്ട്. തന്റെ പിതാവിന്റെ ചിത്രം റീറിലീസിനൊരുങ്ങുന്ന സന്തോഷം ഹൃത്വിക്ക് റോഷനും പങ്കുവച്ചിട്ടുണ്ട്. ചിത്രത്തിന്റെ ടീസറിന് വന്‍ വരവേല്‍പ്പാണ് ലഭിച്ചിരിക്കുന്നത്. ഇരു താരങ്ങളുടെയും ആരാധകര്‍ ഈ റീറിലീസിനെ ആവേശത്തോടെയാണ് കാത്തിരിക്കുന്നത്.
View this post on Instagram
Story Highlights: Bollywood hit ‘Karan Arjun’ starring Shah Rukh Khan and Salman Khan set for re-release after 30 years
