BJP's efforts to bring Sobha Surendran to Palakkad by-election

പാലക്കാട് ഉപതെരഞ്ഞെടുപ്പിൽ എൻഡിഎ കൺവെൻഷനിലേക്ക് ശോഭാ സുരേന്ദ്രനെ എത്തിക്കാൻ ബിജെപി കഠിന ശ്രമം നടത്തുകയാണ്. മുതിർന്ന നേതാക്കൾ ശോഭാ സുരേന്ദ്രനുമായി സംസാരിച്ചതായി റിപ്പോർട്ടുകളുണ്ട്. മണ്ഡലത്തിൽ ശോഭ സുരേന്ദ്രന്റെ അസാന്നിധ്യം യുഡിഎഫ് ചർച്ചയാക്കിയിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, ശോഭാ സുരേന്ദ്രൻ ഉൾപ്പെടെയുള്ള നേതാക്കൾ പ്രചരണത്തിന് പാലക്കാട് എത്തുമെന്ന് കെ സുരേന്ദ്രൻ അറിയിച്ചു. ബിജെപിയിൽ യാതൊരു വിധത്തിലുള്ള ഭിന്നതകളുമില്ലെന്ന് കെ സുരേന്ദ്രൻ വ്യക്തമാക്കി. പാലക്കാട് ബിജെപിക്ക് മികച്ച സംഘടനാ സംവിധാനമുണ്ടെന്നും പുറത്തുനിന്ന് ആരും വന്ന് തെരഞ്ഞെടുപ്പ് ജോലി ചെയ്യേണ്ട ആവശ്യമില്ലെന്നും അദ്ദേഹം പറഞ്ഞു.

ഓരോ ഘട്ടത്തിലും ഏതൊക്കെ നേതാക്കൾ വരണമെന്ന് ബിജെപി നേരത്തെ തീരുമാനിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. അതേസമയം, പാലക്കാട് മണ്ഡലത്തിൽ ത്രികോണ മത്സരം നടക്കുന്നതിനാൽ സ്ഥാനാർത്ഥികൾ പരമാവധി വോട്ടർമാരെ കാണാൻ നെട്ടോട്ടമോടുകയാണ്. യു.

ഡി. എഫ് സ്ഥാനാർത്ഥി രാഹുൽ മാങ്കൂട്ടത്തിൽ, എൽഡിഎഫ് സ്ഥാനാർഥി പി സരിൻ, എൻഡിഎ സ്ഥാനാർഥി കൃഷ്ണകുമാർ എന്നിവർ വിവിധ പ്രദേശങ്ങളിൽ പ്രചാരണം നടത്തി. വരും ദിവസങ്ങളിൽ സ്ഥാനാർത്ഥികൾക്ക് വോട്ട് ചോദിച്ച് ദേശീയ, സംസ്ഥാന നേതാക്കൾ പാലക്കാട്ടേക്ക് എത്തുമെന്നും റിപ്പോർട്ടുകളുണ്ട്.

38 ദിവസത്തിന് ശേഷം രാഹുൽ മാങ്കൂട്ടത്തിൽ പാലക്കാട്ടെത്തി; ഇന്ന് മാധ്യമങ്ങളെ കാണും

Story Highlights: BJP intensifies efforts to bring Sobha Surendran to NDA convention in Palakkad by-election

കണ്ണൂരിൽ ബിജെപി നേതാവിന്റെ വീടിന് ബോംബെറിഞ്ഞ സംഭവം; സിപിഐഎം നേതാക്കളുടെ വീടുകൾക്ക് ബോംബെറിയുമെന്ന് ഭീഷണി