M A Nishad's 'Oru Anweshanathinte Thudakkam' Trailer Released

എം എ നിഷാദ് സംവിധാനം ചെയ്യുന്ന ‘ഒരു അന്വേഷണത്തിന്റെ തുടക്കം’ എന്ന ചിത്രത്തിന്റെ ട്രെയിലര് പുറത്തിറങ്ങി. ഷൈന് ടോം ചാക്കോയെ കേന്ദ്ര കഥാപാത്രമാക്കിയുള്ള ഈ ചിത്രം നവംബര് 8 മുതല് തിയറ്ററുകളിലെത്തും. ബെന്സി പ്രൊഡക്ഷന്സിന്റെ ബാനറില് കെ വി അബ്ദുല് നാസര് നിര്മ്മിക്കുന്ന ചിത്രത്തിന്റെ ടീസര് നേരത്തെ സമൂഹ മാധ്യമങ്ങളില് വലിയ രീതിയില് ആഘോഷിക്കപ്പെട്ടിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇപ്പോള് പുറത്തിറങ്ങിയ ട്രെയിലറും പ്രേക്ഷകരെ ആകര്ഷിക്കുന്നുണ്ട്. ജീവന് തോമസ്സിന്റെ തിരോധാനവും വാകത്താനം കൂട്ടക്കൊലക്കേസ്സിന്റെയും ചുരുളുകളുമാണ് ചിത്രത്തിന്റെ പ്രമേയം. എഞ്ചിനിയറിംഗ് ബിരുദധാരിയും മാധ്യമ പ്രവര്ത്തകനുമായ ജീവന് തോമസ്സിന്റെ മിസ്സിംഗുമായി ബന്ധപ്പെട്ട അന്വേഷണമാണ് ട്രെയിലറില് ഉള്ക്കൊള്ളിച്ചിരിക്കുന്നത്.

കോട്ടയം, കുട്ടിക്കാനം, തെങ്കാശി, കുറ്റാലം, കൊച്ചി, പഞ്ചാബ്, ദുബായ് എന്നിവിടങ്ങളിലായി ചിത്രീകരണം പൂര്ത്തിയാക്കിയ ചിത്രം ഇന്വെസ്റ്റിഗേഷന് പശ്ചാത്തലത്തിലാണ് ഒരുങ്ങുന്നത്. എം എ നിഷാദിന്റെ പിതാവും ഉന്നത പൊലീസ് ഉദ്യോഗസ്ഥനുമായിരുന്ന പി എം കുഞ്ഞിമൊയ്തീന്റെ പോലീസ് ഡിപ്പാര്ട്മെന്റിലെ സേവന കാലത്തെ അനുഭവങ്ങളില് നിന്നാണ് ചിത്രത്തിന്റെ കഥ രൂപപ്പെട്ടത്. ക്രൈം ബ്രാഞ്ച് എസ് പി ആയും ഇടുക്കി എസ് പി ആയും ദീര്ഘകാലം സേവനമനുഷ്ടിച്ച കുഞ്ഞുമൊയ്തീന് ഡി ഐ ജി റാങ്കില് സര്വീസില് നിന്ന് വിരമിച്ചു.

പലസ്തീൻ നിലപാട്: ഷെയിൻ നിഗത്തിനെതിരെ സൈബർ ആക്രമണം, സിനിമ പോസ്റ്ററുകൾ നശിപ്പിച്ചു

അദ്ദേഹത്തിന്റെ വിശിഷ്ട സേവനത്തിന് പ്രസിഡന്റില് നിന്നും രണ്ട് തവണ സ്വര്ണ്ണ മെഡല് ലഭിച്ചിട്ടുണ്ട്. ചിത്രത്തില് വാണി വിശ്വനാഥ്, സമുദ്രകനി, മുകേഷ്, അശോകന്, ബൈജു സന്തോഷ്, സുധീഷ്, ശിവദ തുടങ്ങി നിരവധി പ്രമുഖ താരങ്ങള് അണിനിരക്കുന്നു.

Story Highlights: M A Nishad’s investigative thriller ‘Oru Anweshanathinte Thudakkam’ starring Shine Tom Chacko releases trailer, set to hit theaters on November 8

ദുൽഖറിനൊപ്പം പുതിയ സിനിമക്ക് ഒരുങ്ങി സൗബിൻ ഷാഹിർ