BJP announces 40 star campaigners for Maharashtra Assembly elections

മഹാരാഷ്ട്ര നിയമസഭാ തിരഞ്ഞെടുപ്പിൽ ബിജെപി തങ്ങളുടെ താര പ്രചാരകരെ പ്രഖ്യാപിച്ചു. പ്രധാനമന്ത്രി നരേന്ദ്രമോദി, പാർട്ടി അധ്യക്ഷൻ ജെപി നദ്ദ തുടങ്ങിയവരുൾപ്പടെ 40 പേരാണ് പട്ടികയിലുള്ളത്. ഈ ആഴ്ച ആദ്യം തന്നെ ബിജെപി സ്ഥാനാർത്ഥി പട്ടിക പുറത്തുവിട്ടിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അമിത് ഷാ, രാജ്നാഥ് സിങ്, നിതിൻ ഗാഡ്ഗരി, അശ്വനി വൈഷ്ണവ്, ഭൂപേന്ദ്ര യാദവ്, പീയുഷ് ഗോയൽ, ജ്യോതിരാദിത്യ സിന്ധ്യ, മുരളീധർ മോഹൽ എന്നിവരുൾപ്പെടെയുള്ള കേന്ദ്ര മന്ത്രിമാരും പ്രചാരണത്തിനെത്തും. യോഗി ആദിത്യനാഥ്, നയാബ് സിങ് സൈനി, പ്രമോദ് സാവന്ത്, ഹിമന്ത ബിശ്വ ശർമ്മ തുടങ്ങിയ മുഖ്യമന്ത്രിമാരും സ്മൃതി ഇറാനി, മോഹൻ യാദവ് തുടങ്ങിയ നേതാക്കളും മഹാരാഷ്ട്രയിലെത്തും. അതേസമയം, മുന്നണിയിലെ സീറ്റ് വിഭജനത്തിൽ തർക്കം തുടരവെ കോൺഗ്രസ് രണ്ടാം ഘട്ട സ്ഥാനാർത്ഥി പട്ടിക പുറത്തിറക്കി.

23 അംഗ പട്ടികയാണ് പുറത്തിറക്കിയത്. ഇതോടെ കോൺഗ്രസ് ടിക്കറ്റിൽ സീറ്റ് ഉറച്ചവരുടെ എണ്ണം 71 ആയി. സീറ്റ് ചർച്ചയിൽ രാഹുൽ ഗാന്ധി അതൃപ്തനാണെന്ന വാർത്ത അടിസ്ഥാന രഹിതമെന്ന് രമേശ് ചെന്നിത്തല പറഞ്ഞു.

എമ്പുരാൻ വിവാദം: ഹൈക്കോടതിയെ സമീപിച്ച ബിജെപി നേതാവിന് സസ്പെൻഷൻ

എന്നാൽ, 119 സീറ്റ് വരെ പ്രതീക്ഷിച്ചിരുന്ന കോൺഗ്രസിന് അതിലും കുറവ് സീറ്റ് മാത്രമേ ലഭിക്കൂ എന്നതാണ് ഇപ്പോഴത്തെ സാഹചര്യം. സമാജ് വാദി പാർട്ടി അടക്കം മഹാരാഷ്ട്രയിലെ സഖ്യ കക്ഷികൾ കൂടുതൽ സീറ്റ് ചോദിച്ചതോടെയാണ് ചർച്ചകൾ നീണ്ടുപോയത്.

Story Highlights: BJP announces 40 star campaigners for Maharashtra Assembly elections, including PM Modi and party president JP Nadda

വഖഫ് ബിൽ: വോട്ട് ബാങ്ക് രാഷ്ട്രീയം ലക്ഷ്യമെന്ന് കെ. സുരേന്ദ്രൻ